Yakobus 5:11 - Porjanjian Boharu Torjomahan Baso Dilakng Soari-ari

¹¹ Porotian bo ni'in: Boko urakng inyo totap kuat mohadapi pondorita'an, sia' nam inyo kito anggap bobondar sonang. Ingantcam mongona'i Ayub. Sio botahatn mohadapi pondorita'an. Ahirnyo, Tuhatn momborokati Ayub. Jadi, kito tohu obai Tuhatn boi' hati huatan monunju'an kasih-Nyo ko kito.

Yakobus 5:11 ပူးပေါင်းရင်းမြစ်များ

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

1 Petrus 1:13

Obai somuo nantai, kaitn gola' bosiap-siap dalapm akal budi kaitn huatan hala mongondalian diri oca' monyonangan Tuhatn. Nononyo, Yesus Kristus tajahan datakng agi' monyatoan diri-Nyo. Timpu nantai, kaitn tajahan disolamant'an. Jadi, kaitn gola' bobondar boharap agatn koboi'an Allah nantai.

Lukas 6:36

Kaitn gola' hala onsi', samo sama'an Bopai kaitn di Sorugo pan onsi'.”

Ibrani 10:39

Apo kito bukainyo boko urakng inyo mundur ongko bonaso kito ia'an boko urakng inyo pocayo huatan disolamant'an.

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

Efesus 2:4

Apo Allah kotakng bobolas kasihan Sio kotakng mongasihi kito.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Efesus 1:6

Sio molabuhan nantai oca' kito momuji kasih karunia-Nyo inyo Sio tunju'an ko kito, ia'an molalu'i la'apo inyo dilabuhan ulih Ana'-Nyo inyo dikasihi-Nyo.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

Lukas 1:50

Sio kotakng poduli agatn boko urakng inyo mohormati Sio turutn-tomurutn.

Yakobus 1:2

Boko somadikan, watu kaitn mohadapi bomacapm poncoba'an, kaitn pan gola' mooso sonang-nyaman.

1 Petrus 3:14

Apo, mungkitn tajahan ado boko urakng inyo monyakiti kaitn obai kaitn bulah kobondaran di hadapan Allah. Aman ubo nian, kaitn tajahan diborokati. Jadi, jangan gola' agatn sia'. Jangan kuatir,

Lukas 11:10

Obai sotiap urakng inyo mominto paca'an monorima'; sotiap urakng inyo bogoyap tajahan bodapat; huatan lawakng tajahan dibuka'an pakai' sotiap urakng inyo mongetok.”