Yakobus 4:12 - Porjanjian Boharu Torjomahan Baso Dilakng Soari-ari

¹² Apo ongkah ado siku'am inyo bohak moonji'i hukupm. Ongkah ado siku' Hakipmmo. Ia'an, Tuhatn inyo bokuaso monyolamant'an damo mombonasoan urakng. Jadi, jangan bopikir kaitn bohak mohakipi urakng bukai!

Yakobus 4:12 ပူးပေါင်းရင်းမြစ်များ

Matius 10:28

Jangan gola' agatn sia' inyo bayo ulih mombunuh kaitn. Sia' kinyo bokuaso mombunuh jiwa kaitn. Apo kaitn harus gola' agatn Allah. Obai, Sio bokuaso mombonasoan jiwa ongko bukakng-tubuh kaitn di dalapm noraka!

Lukas 12:5

Aku momadahan ko kaitn sopo inyo sobondarnyo gola' kaitn kogola'i. Gola'cam agatn Allah! Obai Sio kinyo bayo bokuaso mombunuh urakng. Sio pan bokuaso pakai' mombuakan urakng ko dalapm noraka! Jadi, sobondarnyo Sionam inyo gola' kaitn kogola'i.

Roma 14:13

Obai nantai, jangannam kito hala mohakipi agi'! Apo, kito gola' bousaha oca' kito co molabuhan la'apo pan inyo ulih mombulah urakng bukai tojorumus ko dalapm dosa.

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

Roma 2:1

Jadi, kaitn inyo mohakipi urakng bukai pan bosalah. Kaitn kinyo ulih bopandir kaitn bondar. Obai, kaitn molabuhan boko hal inyo jahat samo sama'an urakng inyo kaitn hakipi. Jadi, agatn mohakipi urakng bukai, sobondarnyo kaitn pan mohakipi diri kaitn siku'.

Roma 9:20

Apo, porhatiancam! Kolai bayo monsio. Kolai culih monyalahan koputusan Allah inyo moncipta'an kolai. Roga' pasti culihnyo bopandir ko tukakng inyo mombulahnyo, “Mapo kolai bulah ku sama'an ni'in?!”

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Yakobus 5:9

Boko somadikan, aman kaitn hala bosungunt huatan hala monyalahan, jadi kaitn paca'an dihukupm. Jadi, jangannam molabuhannyo nantai. Jangan sampai tongkolupatn, Sio inyo monjadi Hakipm somuo monsio paca'an oca' datakng.