Yakobus 3:2 - Porjanjian Boharu Torjomahan Baso Dilakng Soari-ari

² Obai, kito somuo molabuhan somuo macapm kosalahan. Apo soandainyo ado urakng inyo co mombulah kosalahan agatn pomandirannyo, io nam urakng inyo sompurna inyo ulih mongondalian bukakng-tubuhnyo.

Yakobus 3:2 ပူးပေါင်းရင်းမြစ်များ

Yakobus 1:26

Aman ado urakng inyo bopikir io rajitn sombayakng apo io co mongondalian lidahnyo, io bayo monipu dirinyo siku'. Sobondarnyo, io molayati Allah kinyo bobondar.

1 Petrus 3:10

Nantai sosuai agatn pomandiran ni'in dalapm Buku Suci: “Urakng inyo honda' monikmati hidup inyo boi' ongko mooso sonang, io gola' monjago tutu'-mulutnyo oca' io kinyo momandiran inyo jahat ongko co bulah kotumbukan.

Matius 12:37

Obai boko pomandiran kaitn siku'nam inyo paca'an digunoan pakai' momutusan aman kaitn paca'an dianggap bondar di hadapan Allah damo aman kaitn paca'an dihukupm Allah.”

Roma 3:10

Sama'an inyo totulis dalapm Buku Suci: “Conyiant siku' urakng pan inyo hidup bondar di hadapan Allah.

Yakobus 1:4

Jadi oca' kokuatan kaitn pakai' botahatn mongkitn botambah. Labuhancam ubo nantai oca' kaitn monjadi dewasa socaro rohani huatan monjadi urakng sompurna, conyiant ado kokurakan apo bisi somuo sipat inyo Allah kohonda'i pakai' umant-Nyo.

Yakobus 2:10

Soandainyo ado urakng inyo monaati hampir somuo porintah Allah. Urakng nian bayo molanggar sobuti' porintah-Nyo. Rotinyo, io totap salah samo sama'an io molanggar somuo porintah nantai.

1 Korintus 9:27

Apo aku molatih bukakng-tubuhku agatn koras. Aku mongondalian diriku. Aku molabuhan boko hal nantai oca' lopas momboritoan Kabar Boi' ko urakng bukai, jangan sampai aku malahan kinyo cucu' di hadapan Allah.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Roma 7:21

Kosimpulannyo, ado kobiasa'an ni'in inyo tojadi dalapm hidupku: Aku honda' bulah koboi'an, apo justru kojahatan inyo aku pulah.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

Galatia 5:17

Kohonda' diri kaitn inyo jahat botontakan agatn kohonda' Roh Allah. Ongko kohonda' Roh Allah botontakan agatn kohonda' diri kaitn. Koduo kohonda' nantai hala bolawatan hinggatn kaitn kinyo hala molabuhan boko hal boi' inyo honda' dilabuhan.

Matius 12:34

Uai kaitn urakng Farisi inyo jahat huatan licik sama'an ular biso! Kinyo mungkitn kaitn momandiran boko hal inyo boi' obai kaitn jahat. Obai, boko pomandiran inyo koluar doi' mulut urakng, koluar doi' dalapm hati urakng nantai.