Yakobus 3:14 - Porjanjian Boharu Torjomahan Baso Dilakng Soari-ari

¹⁴ Apo aman kaitn tungi hati huatan ado kohonda' dalapm hati pakai' monjadi lobih hebat daripado urakng bukai, jangan kaitn buhau huatan jangan momutarbali'an borito inyo bondar doi' Allah.

Yakobus 3:14 ပူးပေါင်းရင်းမြစ်များ

Matius 27:18

(Pilatus bopandir ubo nantai obai io tohu alasannyo boko pomimpitn Yahudi monyorahan Yesus ko io, nantai obai sia' tungi agatn Yesus).

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Kisah Boko Rasul 26:9

Komai aku pan bopikir obai aku gola' molawatn agatn koras somuo urakng inyo pocayo agatn Yesus doi' Nazaret.

Kisah Boko Rasul 5:17

Timpu nantai, ado Imam Agukng agatn boko pongikutnyo. Sia' boasal doi' pomimpitn agama Yahudi doi' kolompok Saduki. Sia' monjadi tungi obai banya' urakng pocayo Kabar Boi' mongona'i Yesus inyo disampaian boko rasul.

Kisah Boko Rasul 7:9

Ana' Yakub inyo kosobolas bodamo Yusuf. Somuo poanci'annyo tungi agatn io. Jadi, sia' nantai monjual io ko podagakng. Podagakng nantai mombaba' io ko nogori Mesir. Yusuf monjadi hulutn di su'utn apo Allah hala molinduki io.

Roma 1:29

Sia' kinyo hidup bondar di hadapan Allah. Hati sia' jahat huatan tama'. Sia' mombonci' huatan mooso tungi agatn urakng bukai. Sia' hala honda' botikakng ongko mombunuh urakng bukai. Sia' monipu huatan mondondapm.

Roma 13:13

Kito gola' hidup agatn caro inyo sopatn sama'an urakng inyo hidup dalapm torakng. Jangannam kito ruah-runsakan ongko hala komabu'an. Jangannam kito bulah dosa kojahatan ongko tuyut kohonda' bukakng inyo jahat. Janganam kito tungi ongko hala bokolohi.

Roma 2:17

Sama'an apo agatn kaitn? Kaitn bangga monyobut diri kaitn urakng Yahudi. Kaitn bopikir kaitn paca'an disolamant'an obai kaitn mondapat Hukupm Torat. Kaitn momuji diri obai kaitn banso inyo dipilih Allah.

Roma 2:8

Apo Allah paca'an godi huatan mohukupm urakng inyo momontikan diri siku' huatan kinyo honda' monaati ajaran inyo bondar, apo honda' monuruti inyo jahat.

1 Korintus 13:4

Urakng inyo mongasihi ia'an urakng inyo hala sabar huatan hala bulah koboi'an agatn urakng bukai. Urakng inyo mongasihi nantai ia'an urakng inyo kinyo tungi. Io kinyo bopangkakng diri huatan kinyo buhau.

1 Korintus 3:3

obai kaitn ija' hidup samo sama'an monsio dunia! Kaitn ija' tungi-dongkian siku'-monyiku'. Kaitn ija' ado posolisihan siku'-monyiku'. Boko hal nantai monunju'an obai kaitn ija' hidup samo samaꞌan monsio dunia.

1 Korintus 5:2

Apo kaitn bopangkakng obai porbuatan urakng nantai! Soharusnyo kaitn salu', ongko mongoluaran io doi' antaro kaitn.

1 Korintus 5:6

Co boi' kaitn mooso buhau obai porbuatan urakng nantai. Pasti kaitn udah tohu obai sodikit ragi paca'an bulah somuo adonan roti mongombakng. Samo sama'an nian jam, dosa siku' urakng ulih bulah banya' urakng molabuhan dosa.

2 Korintus 12:20

Obai aku bogonang watu ku datakng nononyo, kolaku'an kaitn kinyo boi' sama'an inyo ku kohonda'i. Ubo nian jam, aku gola' monogur kaitn, tindakanku kinyo samo agatn kohonda' kaitn. Aku kuatir kaitn hala botikakng-bokolohi, tungi, ponggodian, molajuan kohonda' diri siku', monjahai'an urakng bukai, mohahadu, buhau, bulah kokacauan.

Galatia 5:15

Jangan sama'an bonatakng ganas inyo hala monyorakng ongko mongotap. Boboi' cam aman kaitn molabuhan inyo sama'an nantai kaitn salikng mombonasoan.

Galatia 5:20

monyombah boko duato, momakai ponohu, bonci' agatn urakng bukai, boporap, mooso hiri hati, monjadi ponggodian, momontikan diri siku', monyobab'an popocahan antaro dongan somadikan,

Galatia 5:21

mongohonda'i umputn urakng bukai, hala komabu'an, ngosihan nyao, ongko boko dosa inyo bukai sama'an nantai. Aku moingant'an kaitn sama'an inyo kalo kuingant'an ko kaitn sobolupmnyo: Boko urakng inyo hala molabuhan boko hal sama'an nantai kinyo paca'an monjadi warga Koraja'an Allah.

Galatia 5:26

Janganam kito monjadi buhau. Janganam kito hala bulah urakng bukai godi. Janganam kito hala honda' barakng umputn urakng bukai.

Galatia 6:13

Sia' nantai udah disunant. Apo sia' kinyo monaati somuo porintah huatan poraturan Allah inyo ditulis Musa dalapm buku Hukupm Torat. Sia' bayo honda' kaitn disunant oca' sia' ulih mombuhau'i.

Filipi 1:15

Memang ado urakng inyo momboritoan mongona'i Kristus obai sia' tungi ia'an sia' honda' oca' boko urakng tuyut sia' daripado aku. Apo ado jam urakng inyo momboritoan mongona'i Kristus doi' hati inyo borosih.

Filipi 2:3

Jangan buhau ongko bogoyap pujian sia-sia. Apo, rondahancam hati kaitn. Anggap ja' urakng bukai lobih pontikng doi' kolai siku'.

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

1 Timotius 6:4

Sia' buhau. Padohal, sia' co tohu la'apo pan, sia' bayo gala' botikakng mo. Sia' bayo gala' hala botikakng mongona'i roti boko sotilah. Jadi, ado banya' baba'an inyo kinyo boi': Sia' tungi. Sia' hala bokolohi. Sia' hala bojahat urakng. Sia' hala bopikir inyo bukai bulah kojahatan.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Yakobus 1:18

Sosuai agatn hajat Sio, Sio moonji'i kosompatan ko kito pakai' mondinga'an Kabar Boi' inyo bondar. Obai nantaiam kito pocayo, lalu kito monjadi boko poana'an Sio. Sio molabuhan nantai oca' kito monjadi boko urakng inyo doholu doi' antaro somuo inyo dipulah-Nyo. Samo sama'an boko buah inyo potamo doi' hasil hanyianinyo di onju' ko Allah obai husus umputn Sio.

Yakobus 3:16

Nantai udah jolas obai aman boko urakng tungi hati huatan ado kohonda' pakai' monjadi lobih hebat daripado urakng bukai, boko urakng sama'an nian hala boparakng mulut agatn urakng bukai. Sia' bulah bomacapm porbuatan jahat.

Yakobus 5:19

Boko somadikan inyo ku kasihi, mungkitn ado di antaro kaitn inyo kinyo moninggalan ajaran inyo bondar. Apo lopas nian ado urakng inyo momimpitn io agi' monuruti Tuhatn.