Yakobus 3:10 - Porjanjian Boharu Torjomahan Baso Dilakng Soari-ari

¹⁰ Jadi, boko somadikan, jangan molabuhan lou' sama'an nian. Kito culih momuji huatan moncolakoan agatn lidah kito.

Yakobus 3:10 ပူးပေါင်းရင်းမြစ်များ

Roma 12:14

Aman ado boko urakng inyo mondorako'i kolai, mintocam ko Allah oca' Sio momborokati sia'. Au, mintocam oca' Allah momborokati sia'. Jangan minto oca' Allah mohukupm sia'!

1 Korintus 3:3

obai kaitn ija' hidup samo sama'an monsio dunia! Kaitn ija' tungi-dongkian siku'-monyiku'. Kaitn ija' ado posolisihan siku'-monyiku'. Boko hal nantai monunju'an obai kaitn ija' hidup samo samaꞌan monsio dunia.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

Yakobus 1:16

Boko somadikan inyo ku kasihi, jangan salah bopikir.

Yakobus 1:19

Boko somadikan inyo ku kasihi, pohatiancam ni'in: Somuo kaitn gola' copat mondinga', apo jangan copat bopandir. Jangan ponggodian.

Yakobus 3:1

Boko somadikanku, kaitn udah tohu obai Allah paca'an mohakipi somuo urakng. Apo, boko guru inyo mongajar mongona'i Allah paca'an dihakipi agatn ukuran inyo lobih borat daripado urakng bukai. Obai nianam, jangan banya' doi' antaro kaitn inyo honda' monjadi guru.

Yakobus 3:11

Samo sama'an ara'i taba'i ongko ara'i mancitn culih koluar doi' mato ara'i inyo samo.

Yakobus 3:9

Agatn lidah, kito momuji Allah, Tuhatn huatan Bopai kito. Apo agatn lidah, kito pan moncolakoan urakng bukai. Padohal Allah mombulah sia' sorupo agatn Sio.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.