Yakobus 2:6 - Porjanjian Boharu Torjomahan Baso Dilakng Soari-ari

⁶ Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.

Yakobus 2:6 ပူးပေါင်းရင်းမြစ်များ

Yohanes 8:49

Timbas Yesus, “Aku cuku korasu'an sitatn. Apo Aku mohormati Bopai-Ku huatan kaitn co mohormati Aku.

Kisah Boko Rasul 13:50

Apo boko urakng Yahudi mohadu boko urakng pontikng di kota nantai, tomansu' boko botina' inyo bopongaruh udah mansu' agama Yahudi. Boko urakng pontikng nantai bulah urakng bukai mondorako'i Paulus ongko Barnabas. Koponsuahannyo, Paulus ongko Barnabas ditundukng doi' doerah nantai.

Kisah Boko Rasul 17:6

Apo sia' kinyo botomu Paulus agatn Silas di santai. Jadi, sia' monangkap Yason agatn boboropo urakng pocayo jam. Sia' momoso mombaba' Yason agatn boboropo urakng nantai ko boko pojabat kota. Sia' bopandir kotakan borakng, “Ado duo urakng inyo udah mongacauan boko kota di mono-mono. Watu ni'in, duo urakng nantai ado di kota kito jam!

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

1 Korintus 11:22

Padohal kaitn ulih makatn huatan minum di rumah kaitn siku'. Jadi, jangan ngomalu'i huatan mohayam kolompok urakng inyo umputn Allah ongko boko urakng jaro agatn porbuatan sama'an nantai. Kaitn mongohonda'i aku paca'an momuji kaitn obai porbuatan sama'an nantai? Pasti cado!

Yakobus 2:3

Lalu, kaitn lobih mohormati urakng inyo bopakaian boi'. Kaitn bopandir ko io, “Sihai dudu' di tompat inyo boi' ni'in.” Apo kaitn monyiuh urakng jaro nantai, “Bodiritn ja'am di sopia' nanam”, damo “Dudu' di lantai dampikng kakiku”.

Yakobus 5:4

Pikirancam mongona'i porbuatan kaitn. Ado boko urakng inyo bokorojo mohanyi di boko lakau kaitn. Apo kaitn co mombayar upah sia'. Jadi, sia' mongoluh minto potulukan doi' Tuhatn inyo Maho Kuaso. Sio mondinga' sia' huatan siap mohukupm kaitn.

Yakobus 5:6

Kaitn udah mohukupm huatan mombunuh urakng inyo co bosalah huatan urakng nantai kinyo molawatn kaitn.