Yakobus 2:23 - Porjanjian Boharu Torjomahan Baso Dilakng Soari-ari

²³ Kojadian ubo nian pakai' mombutian obai la'apo inyo ditulis mongona'i Abrahapm memang bondar. Di Buku Suci ditulis, “Abrahapm pocayo ko Allah. Obai nianam, io monjadi bondar di hadapan Allah.” Jadi, io disobut “Kawal Allah.”

Yakobus 2:23 ပူးပေါင်းရင်းမြစ်များ

Markus 12:10

Pasti kaitn kalo mombaco di Buku Suci mongona'i ni'in: ‘Batu inyo ditula' boko tukakng bangunan udah monjadi batu inyo kotakng pontikng pakai' bangunannyo.

Markus 15:27

Bosamo agatn Yesus, sia' pan monyaliban duo urakng ponyamun, inyo siku' di sopia' kanan-Nyo ongko inyo siku' agi' di sopia' kiba'-Nyo. [

Lukas 4:21

Huatan Sio mula'i mongajar sia'. Kato-Nyo, “Pas ari ni'in, watu kaitn mondingaꞌnyo, tulisan nabi Yesaya nantai udah digonapi.”

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Roma 11:2

Allah co monula' urakng inyo bondar-bondar umat-Nyo inyo udah Sio pilih doi' komaimo. Pasti kaitn ingant pomandiran nabi Elia inyo totulis dalapm Buku Suci. Timpu io mongaduan banso Israel ko Allah. Katonyo,

Roma 9:17

Apo ingant cam pomandiran Allah ni'in ko rajo Mesir inyo totulis dalapm Buku Suci, “Ubo ninam alasan Ku moangkat kolai monjadi rajo, ia'an oca', ‘Aku ulih monunju'an kuaso-Ku dalapmla'apo pan inyo tajahan tojadi ko kolai, ongko oca' somuo urakng di soluruh bumi mongotohu'i damo-Ku.’ ”

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Galatia 3:6

Hal nantai samo sama'an inyo tojadi agatn Abrahapm. Abrahapm pocayo ko Allah. Obai nantaiam, “Abrahapm dianggap bondar di hadapan Allah.”

2 Timotius 3:16

Soluruh Buku Suci ado obai bimbikan Allah. Obai nantai, somuo inyo ditulis di santai sangant boguno. Buku Suci boguno pakai' mongajar boko hal inyo bondar, pakai' moolikan urakng doi' kosalahan, pakai' mongomboi'i caro hidupnyo huatan pakai' monunju'an caro hidup inyo bondar dihadapan Allah.

Yakobus 2:24

Doi' contoh Abrahapm, udah jolas caronyo urakng monjadi bondar di hadapan Allah. Urakng co monjadi bondar aman io ongkah pocayoam. Io monjadi bondar aman io molabuhan porbuatan inyo monunju'an obai io bondar-bondar pocayo.

1 Petrus 2:6

Somuo nantai samo sama'an inyo totulis di dalapm Buku Suci: “Porotiancam! Aku udah momilih batu inyo kotakan borogo. Aku molota'an batu nantai di Sion sobagai batu ponjuru. Urakng inyo pocayo agatn-Nyo, kinyo dipulah malu.”