Yakobus 2:21 - Porjanjian Boharu Torjomahan Baso Dilakng Soari-ari

²¹ doi' kohidupan angki-bayatn kito Abrahapm. Io monaati Allah watu io siap momposombahan ana'nyo, Ishak. Io molota'an Ishak di pucu' mesbah. Obai io molabuhan nian, jadi io monjadi bondar dihadapan Allah.

Yakobus 2:21 ပူးပေါင်းရင်းမြစ်များ

Yohanes 8:39

Kato sia' ko Sio, “Bopai koi ni'in Abrahapm!” Kato Yesus ko sia', “Soandainyo kaitn bobondar ana' Abrahapm, pasti kaitn paca'an bulah koboi'an samo sama'an Abrahapm.

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

Matius 12:37

Obai boko pomandiran kaitn siku'nam inyo paca'an digunoan pakai' momutusan aman kaitn paca'an dianggap bondar di hadapan Allah damo aman kaitn paca'an dihukupm Allah.”

Yakobus 2:24

Doi' contoh Abrahapm, udah jolas caronyo urakng monjadi bondar di hadapan Allah. Urakng co monjadi bondar aman io ongkah pocayoam. Io monjadi bondar aman io molabuhan porbuatan inyo monunju'an obai io bondar-bondar pocayo.

Yakobus 2:18

Apo mungkitn ado urakng inyo co sotuju huatan bopandir, “Ado urakng inyo moandalan kopocaya'annyo, huatan ado inyo bukai moandalan porbuatannyo.” Apo aku paca'an monimbas, “Aman kolai co molabuhan porbuatan inyo boi', co mungkitn kolai monunju'an ko aku obai kolai bondar-bondar pocayo! Apo porbuatanku monunju'an ko kolai obai aku bondar-bondar pocayo!”

Roma 4:12

Apo Abrahapm jam monjadi bopai loluhur urakng Yahudi inyo bosunant, inyo moniru caro hidup Abrahapm. Ia'an, sia' inyo kinyo bosunant, apo sia' pocayo samo sama'an Abrahapm pocayo sobolupm io disunant.

Roma 4:1

Jadi, apo inyo ulih kito pandiran mongona'i Abrahapm, angki-bayatn kito? Sama'an apo caronyo io monjadi bondar di hadapan Allah?

Roma 3:20

Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Kisah Boko Rasul 7:2

Stefanus monimbasi, “Pombopaian boko poadikng-poanci'an dinga'anku bo! Bopai kito komai, Abrahapm bodiapm di doerah Mesopotamia, apo watu sio ija' di doerah Mesopotamia nantai, Allah inyo Maho Bosar udah moniant'an diri-Nyo ko sio.

Yohanes 8:53

Pasti Duatn co lobih pontikng doi' bopai koi Abrahapm inyo udah mati. Somuo nabi pan udah matiam! Sopo Duatn ni'in?!”

Lukas 16:30

Urakng dampu nantai bopandir, ‘Nantai kinyo cukup, Bopai Abrahapm. Apo aman siku' urakng doi' su'utn hidup agi' doi' komatian, ongko botula' ko sia', pasti sia' tongga' bulah dosa huatan hidup monyonangan hati Allah.’

Lukas 16:24

Io mondongkakng-mondorah, ‘Bopai Abrahapm! Aku kotakng ajab sonsaro di dalapm api ni'in. Kasihibo aku Bopai! Siuh Lazarus moncolupan jarinyo ko dalapm ara'i ongko datakng mondinginan lidahku agatn ara'i nantai.’

Lukas 1:73

Janji Sio inyo dionju' ko Abrahapm, Bopai loluhur kito. Janji nian pakai' monyolamant'an kito doi' kuaso musuh oca' kito totap monyombah Sio huatan samo sokali co mooso gola',

Matius 3:9

Jangan bopikir dalapm hati: Koi koturutan doi' Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan Abrahapm!

Ibrani 11:17

Obai Abrahapm pocayo, jadi io taat watu Allah mouji io. Io rela momposombahan Ishak, ana'nyo inyo tunggal. Padohal, Allah udah bojanji ko Abrahapm.