Yakobus 2:20 - Porjanjian Boharu Torjomahan Baso Dilakng Soari-ari

²⁰ Jangan budu! Aman ado urakng inyo mongatoan io pocayo ko Yesus, apo io co molabuhan porbuatan inyo monyonangan hati Allah, kopocaya'an urakng nantai conyiant gunonyo. Ado buti

Yakobus 2:20 ပူးပေါင်းရင်းမြစ်များ

Yakobus 2:26

Jadi, aman ado urakng inyo pocayo apo hal nantai kinyo mombulah io molabuhan porbuatan inyo monyonangan hati Allah, urakng sama'an nian kinyo bondar-bondar pocayo. Samo sama'an bukakng inyo pasti paca'an mati aman co bokosih di dalapmnyo.

Yakobus 2:17

Ubo nian jam aman ado urakng inyo pocayo apo hal nantai co bulah io pakai' molabuhan porbuatan inyo boi'. Kopocaya'an sama'an nian kinyo boguno.

Roma 1:21

Sia' mongotohu'i mongona'i Allah, apo sia' kinyo momuliaan Sio sobagai Allah. Sia' pan co moucap sukur ko Sio. Sobali'nyo, pomikiran sia' monjadi pocumo. Hati sia' inyo budu monjadi potakng sampai kinyo ulih mongoroti mongona'i Allah.

Galatia 6:3

Mungkitn ado urakng inyo kinyo honda' monulukng urakng bukai obai io moanggap dirinyo lobih pontikng doi' urakng bukai. Urakng inyo bopikir salah sama'an nantai, sobondarnyo io kinyo pontikng. Nantai, io bayo ngontumbuki dirinyo siku'.

Yakobus 1:26

Aman ado urakng inyo bopikir io rajitn sombayakng apo io co mongondalian lidahnyo, io bayo monipu dirinyo siku'. Sobondarnyo, io molayati Allah kinyo bobondar.

Titus 1:10

Aku momadahan nantai obai ado banya' urakng Kreta inyo kinyo honda' monaati boko ponotua', hususnyo sia' inyo tontainyo sobolupmnyo boagama Yahudi. Sia' bopandir mongona'i boko hal inyo kinyo boguno. Sia' moncubo monipu urakng bukai.

1 Timotius 1:6

Apo boko urakng totontu kinyo hidup sama'an nantai agi'. Sia' sosat obai mula'i bopandir mongona'i boko hal inyo kinyo boguno.

Kolose 2:8

Boboi'cam jangan ado urakng inyo mongontumbuki kaitn agatn ajaran inyo kinyo boguno, ajaran inyo salah. Boko ajaran nantai doi' pondapat monsio, doi' boko roh inyo bokuaso di dunia ni'in, kinyo doi' Kristus.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Roma 3:28

Koi yakitn obai monsio monjadi bondar di hadapan Allah bukainyo obai io monaati Hukupm Torat, apo obai io pocayo ko Yesus Kristus.

Roma 9:20

Apo, porhatiancam! Kolai bayo monsio. Kolai culih monyalahan koputusan Allah inyo moncipta'an kolai. Roga' pasti culihnyo bopandir ko tukakng inyo mombulahnyo, “Mapo kolai bulah ku sama'an ni'in?!”