Yakobus 2:14 - Porjanjian Boharu Torjomahan Baso Dilakng Soari-ari

¹⁴ Boko somadikan, aman ado urakng inyo mongatoan, “Io pocayo ko Yesus”, apo io kinyo molabuhan porbuatan inyo boi', pasti urakng sama'an nian kinyo paca'an disolamant'an. Sio mongatoan io pocayo, apo pomandirannyo nian kinyo boguno?

Yakobus 2:14 ပူးပေါင်းရင်းမြစ်များ

Lukas 6:49

Ado jam urakng bondinga'an pongajaran-Ku, apo kinyo molabuhannyo. Samo agatn urakng inyo moninjakan rumah apo pondasinyo kinyo kuat. Aman datakng pasakng rayo, ara'i sungai moluap ongko monumbu' rumah nantai, rumah nantai robah ongko kotakng ropu'-lolo.”

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

2 Petrus 1:5

Nanam alasan kaitn gola' bobondar bousaha pakai' pocayo ko Yesus agatn kuat. Lopas nantai, kaitn pan gola' bousaha bulah koboi'an. Lopas nantai mongotohu'i ajaran inyo bondar.

Yakobus 2:26

Jadi, aman ado urakng inyo pocayo apo hal nantai kinyo mombulah io molabuhan porbuatan inyo monyonangan hati Allah, urakng sama'an nian kinyo bondar-bondar pocayo. Samo sama'an bukakng inyo pasti paca'an mati aman co bokosih di dalapmnyo.

Ibrani 11:17

Obai Abrahapm pocayo, jadi io taat watu Allah mouji io. Io rela momposombahan Ishak, ana'nyo inyo tunggal. Padohal, Allah udah bojanji ko Abrahapm.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Yakobus 2:18

Apo mungkitn ado urakng inyo co sotuju huatan bopandir, “Ado urakng inyo moandalan kopocaya'annyo, huatan ado inyo bukai moandalan porbuatannyo.” Apo aku paca'an monimbas, “Aman kolai co molabuhan porbuatan inyo boi', co mungkitn kolai monunju'an ko aku obai kolai bondar-bondar pocayo! Apo porbuatanku monunju'an ko kolai obai aku bondar-bondar pocayo!”

Kisah Boko Rasul 8:21

Kolai co nyiant hak pakai' tuyut dalapm polayatan ni'in, obai hati kolai kinyo bondar dihadapan Allah.

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

Galatia 5:13

Boko somadikan, kaitn udah dipilih Allah pakai' monjadi urakng inyo bebas. Apo nantai kinyo boroti kaitn bebas pakai' hidup sosuai agatn kohonda' diri kaitn inyo jahat. Sobali'nyo, hala molayati siku'-monyiku' agatn ponuh kasih.

1 Korintus 15:2

Aman kaitn totap somombondarannyo pocayo Kabar Boi' inyo udah aku boritoan ko kaitn, ongko kaitn paca'an disolamant'an. Apo aman kaitn co pocayo somuo Kabar Boi' nantai tomansu' mongona'i komatian Yesus huatan Yesus bobali' hidup doi' komatian, boroti co nyiant pasalnyo kaitn pocayo tontainyo.

Yakobus 2:16

Lalu, ado di antaro kaitn inyo ongkah mongatoan ko io, “Solamant jalatn! Aku boharap kolai co kodinginan huatan co kolaparan.” Pomandiran kolai kinyo boguno aman kolai co monulukng urakng nian agatn kopontikannyo.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

Kisah Boko Rasul 8:13

Simon nantai pan pocayo ongko dibaptis. Lopas nantai, io hala tuyut Filipus. Io hala hiratn moniant Filipus molabuhan banya' macapm mujisat.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

Roma 2:25

Aman kaitn monaati Hukupm Torat, jadi sunant kaitn ado gunonyo. Apo aman kaitn molanggar Hukupm Torat, jadi sunant kaitn pocumo aja'am.

Lukas 3:11

Yohanes monimbas, “Urakng inyo ado duo lambai' baju, gola' moonji'i solamba'i ko urakng inyo conyiant ado bajunyo. Huatan urakng inyo ado pomakatn, gola' bobagi ko urakng inyo conyiant pomakatnnyo.”

Yakobus 1:16

Boko somadikan inyo ku kasihi, jangan salah bopikir.