Yakobus 1:6 - Porjanjian Boharu Torjomahan Baso Dilakng Soari-ari

⁶ Apo, watu io mominto, io bondar-bondar pocayo obai Allah honda' monulukng io. Kobola'i Sio culih gangga'-gua'an. Obai, urakng inyo gangga'-gua'an samo sama'an golumbakng lout. Kadakng angin moniup golumbakng nantai ko arah si'itn, kadakng ko arah su'utan.

Yakobus 1:6 ပူးပေါင်းရင်းမြစ်များ

Matius 14:28

Lalu Petrus bopandir ko Sio, “Tuhatn, aman nian bondaram Duatn, siuh bo aku mondataki Duatn agatn caro bojalatn di pucu' ara'i jam.”

Kisah Boko Rasul 10:20

Bodiritncam ongko turutn ko babah. Biar pan sia' bukainyo urakng Yahudi, jangan gangga'-gua'an botula' bosamo agatn sia' obai Aku udah monyiuh sia' ko kolai.”

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

1 Timotius 2:8

Obai nantai, ongko aku bohak momuhun ko somuo lolaki: Di mono aja' kaitn bokumpul, kaitn gola' bodoa. Apo bodoa agatn hati inyo borosih. Jangan monyimpatn ponggodi dalapm hati. Jangan bokonjahatan agatn urakng bukai.

Ibrani 10:23

Mara kito yakitn moharap'an somuo inyo dijanjian Allah. Nantai am harapan inyo udah kito pocayo'i. Kito ulih moyakiti mongona'i nantai obai Sio inyo monjanjiannyo hala ulih dipocayo.

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

Yakobus 1:7

Urakng inyo gangga'-gua'an sama'an nantai, hala borubah pikirannyo. Jadi, jangan io bopikir io paca'an mondapat'an la'apo pan doi' Tuhatn Allah.

Yakobus 5:15

Aman sia' bobondar pocayo, jadi Tuhatn paca'an monyamanan urakng sakit nantai. Biar pan io udah bulah dosa, Tuhatn paca'an moamputinyo.

2 Petrus 2:17

Boko guru palsu nantai ia'an samo sama'an mato ara'i inyo rangkai, samo sama'an agatn kabut inyo ditiup ulih angin bonakau. Allah udah monyodia'an tompat pakai' sia' inyo kotakan potakng.