Yakobus 1:5 - Porjanjian Boharu Torjomahan Baso Dilakng Soari-ari

⁵ Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

Yakobus 1:5 ပူးပေါင်းရင်းမြစ်များ

Matius 11:20

Yesus bulah kotakng banya' mujisat di boboropo kota di doerah Galilea. Apo boko urakng di boko kota nantai totap kinyo botongga' bulah dosa ongko kinyo monyonangan hati Allah. Jadi Yesus monogur sia' agatn koras. Kato-Nyo,

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Yohanes 14:13

lalu Aku paca'an molabuhan apo saja' inyo kaitn pinto dalapm damo-Ku. Aku paca'an molabuhannyo, oca' Aku ulih monunju'an obai Bopai Ku mulia

Yohanes 15:7

Kaitn gola' bosatu agatn Aku huatan pomandiran-Ku gola' ado di dalapm hati kaitn. Aman ubo nian, minto ja'am lapo ja' inyo kaitn kohonda'i, lalu kaitn paca'an dionji'inyo.

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

2 Korintus 2:16

Bagi urakng inyo paca'an bonaso, koi samo sama'an bou buru' inyo mombaba' komatian. Apo, bagi urakng inyo paca'an disolamant'an, koi samo sama'an bou harupm inyo mombaba' kohidupan inyo sobondarannyo. Apo sopo bai inyo sanggup molabuhan tugas inyo sama'an ni'in?

Yakobus 1:17

Allah inyo moonji'i somuo inyo boi' huatan sompurna. Sio inyo mombulah matoari, bulatn, huatan somuo bintakng di langit. Sio co kalo borubah sama'an kombayakng inyo bopindah-pindah. Sio hala boi'.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

1 Yohanes 3:22

Sio moonji'i kito lapo ja' inyo kito minto obai kito monoruti somuo porintah-Nyo, huatan obai kito molabuhan la'apo pan inyo monyonangan hati-Nyo.