Yakobus 1:4 - Porjanjian Boharu Torjomahan Baso Dilakng Soari-ari

⁴ Jadi oca' kokuatan kaitn pakai' botahatn mongkitn botambah. Labuhancam ubo nantai oca' kaitn monjadi dewasa socaro rohani huatan monjadi urakng sompurna, conyiant ado kokurakan apo bisi somuo sipat inyo Allah kohonda'i pakai' umant-Nyo.

Yakobus 1:4 ပူးပေါင်းရင်းမြစ်များ

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

Matius 5:48

Obai nantai, jadicam kotakng boi', samo sama'an Bopai kaitn di sorugo ia'an kotakng boi'.”

2 Timotius 3:17

Jadi, Buku Suci boguno pakai' bulah boko urakng inyo molayati Allah mampu molabuhan sotiap pokoroja'an inyo boi'.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Galatia 6:9

Obai nantai, jangan botongga' bulah koboi'an. Pado watu inyo ditontuan Allah, kito paca'an mondapat'an somuo inyo dijanjian-Nyo. Kito paca'an mondapat'annyo, aman kito kinyo botongga' bulah koboi'an.

Yakobus 3:2

Obai, kito somuo molabuhan somuo macapm kosalahan. Apo soandainyo ado urakng inyo co mombulah kosalahan agatn pomandirannyo, io nam urakng inyo sompurna inyo ulih mongondalian bukakng-tubuhnyo.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

1 Korintus 2:6

Apo di antaro boko urakng inyo bondar-bondar pocayo ko Yesus, koi memang mongajar mongona'i kopintar-corodi'an. Apo kopintar-corodi'an bukainyo doi' kopintar-corodi'an monsio di dunia ni'in, bukainyo doi' kopintar-corodi'an boko pomimpitn di dunia ni'in. Sia' paca'an dibonasoan.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

2 Petrus 1:9

Apo, urakng inyo kinyo molabuhan nantai, io samo sama'an urakng buto, damo urakng inyo bayo ulih moniant boko hal inyo di pohadapannyo mo. Io culih moniant boko hal doi' Allah, io tongkolupatn obai boko dosanyo komainyo inyo udah diamputi.

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Lukas 18:22

Mondingaꞌ nantai, Yesus bopandir ko io, “Ongkah ado sobuti' agi' inyo kurakng bolupm kolai labuhan. Pulakngcam, jual somuo umputn kolai. Ongko pombagi-bagian duitnyo ko boko urakng jaro. Aman dipulah samaꞌan nian, kolai tajahan bodapat kodampuan di sorugo. Lopas jadi kolai molabuhan somuo nantai, datakng jam agi' ko Aku, pakai' jadi murid-Ku.”

Markus 10:21

Yesus mongilikng urakng nantai ongko mooso kasih. Kato Yesus ko io, “Tinggal sobuti' agi' cam inyo kurakng huatan inyo gola' kulo labuhan. Pulakngcam, huatan jualcam somuo kodampuan kulo. Lopasnyo pombagian cam duitnyo ko boko urakng jaro. Agatn sama'an nantai, kulo paca'an bodapat kodampuan di sorugo. Lopas kulo molabuhan somuonyo nantai, datakng agi' cam ko si'itn lalu tuyut Ku.”

Matius 19:20

Kato urakng muda' nantai ko Sio, “Aku udah monaati somuo porintah nantai. La'apo agi' inyo gola' aku labuhan?”

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.