Yakobus 1:26 - Porjanjian Boharu Torjomahan Baso Dilakng Soari-ari

²⁶ Aman ado urakng inyo bopikir io rajitn sombayakng apo io co mongondalian lidahnyo, io bayo monipu dirinyo siku'. Sobondarnyo, io molayati Allah kinyo bobondar.

Yakobus 1:26 ပူးပေါင်းရင်းမြစ်များ

Matius 15:9

Pocumo ja' sia' monyombah Aku. Obai sia' bayo moajaran boko poraturan monsio.’ ”

Markus 7:7

Pocumo ja' sia' monyombah Aku. Obai sia' bayo moajaran poraturan monsio mo.’

Lukas 8:18

Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

1 Korintus 15:15

Lobih doi' nantai, soandainyo urakng mati bondar-bondar kinyo dihidupan agi', jadi koi ia'an urakng inyo tumbukan mongona'i Allah. Obai, koi udah momandiran obai Allah inyo mombulah Kristus hidup agi', padohal Allah co molabuhan hal nantai.

1 Korintus 15:2

Aman kaitn totap somombondarannyo pocayo Kabar Boi' inyo udah aku boritoan ko kaitn, ongko kaitn paca'an disolamant'an. Apo aman kaitn co pocayo somuo Kabar Boi' nantai tomansu' mongona'i komatian Yesus huatan Yesus bobali' hidup doi' komatian, boroti co nyiant pasalnyo kaitn pocayo tontainyo.

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

Galatia 2:6

Sokali agi' somadikan, aku udah monjolasan polayatan aku ko pomimpitn di Yerusalem. Biar pan sia' dianggap tohormat, aku co poduli agatn kodudu'an sia' nantai. Obai Allah pan co poduli aman boko urakng dianggap pontikng kata'an cado. Apo boko pomimpitn nantai sotuju agatn aku. Sia' kinyo momosoan la'apo pan ko Kabar Boi' inyo aku boritoan.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Galatia 3:4

Kaitn udah banya' moalapi ajab sonsaro obai pocayo ko Yesus. Jangan sampai somuo ajab sonsaro nantai co nyiant gunonyo.

Galatia 6:3

Mungkitn ado urakng inyo kinyo honda' monulukng urakng bukai obai io moanggap dirinyo lobih pontikng doi' urakng bukai. Urakng inyo bopikir salah sama'an nantai, sobondarnyo io kinyo pontikng. Nantai, io bayo ngontumbuki dirinyo siku'.

Efesus 4:29

Aman kaitn bopandir, jangan momakai boko pandir inyo jahat. Apo pakaicam boko pandir inyo boi' pakai' monguat'an hati urakng bukai sosuai agatn kopontikan sia'. Agatn sama'an nantai boko urakng inyo mondinga' pandir nantai bodapat koboi'an.

Efesus 5:4

Jangan momakai kato-pandir kinyo boi', kato-pandir inyo kinyo boguno, kato-pandir jahat. Boko hal nantai kinyo cucu' jam. Sobali'nyo, kaitn gola' moucap sukur ko Allah.

Kolose 4:6

Bopandircam agatn ramah huatan co tohu suah. Agatn ubo nian, aman ado urakng inyo monakutan sosuatu mongona'i boko hal inyo kito pocayo, ongko kaitn paca'an tohu caronyo pakai' monimbasinyo.

Yakobus 1:19

Boko somadikan inyo ku kasihi, pohatiancam ni'in: Somuo kaitn gola' copat mondinga', apo jangan copat bopandir. Jangan ponggodian.

Yakobus 1:22

Jadi, kaitn gola' monaati Pomandiran-Nyo. Jangan ongkah mondinga'annam, obai aman ubo nian kaitn monipu diri kaitn siku'.

Yakobus 2:20

Jangan budu! Aman ado urakng inyo mongatoan io pocayo ko Yesus, apo io co molabuhan porbuatan inyo monyonangan hati Allah, kopocaya'an urakng nantai conyiant gunonyo. Ado buti

1 Petrus 3:10

Nantai sosuai agatn pomandiran ni'in dalapm Buku Suci: “Urakng inyo honda' monikmati hidup inyo boi' ongko mooso sonang, io gola' monjago tutu'-mulutnyo oca' io kinyo momandiran inyo jahat ongko co bulah kotumbukan.