Yakobus 1:25 - Porjanjian Boharu Torjomahan Baso Dilakng Soari-ari

²⁵ Apo Allah momborokati urakng inyo mondinga'an Pandir Allah ongko monaatinyo. Urakng ubo nantai momporhatian Hukupm inyo sompurna, ia'an ajaran inyo mombebasan. Io hala ingant molabuhannyo huatan co kalo mongolupatannyo.

Yakobus 1:25 ပူးပေါင်းရင်းမြစ်များ

Lukas 11:28

Apo Yesus bopandir, “Sobondarnyo, lobih diborokati urakng inyo mondingaꞌ pomandiran Allah huatan molabuhannyo!”

Yohanes 13:17

Aman kaitn tohu somuo nantai, jadi kaitn paca'an diborokati aman kaitn molabuhannyo.

Yohanes 8:36

Jadi, aman Ana' Allah, mombulah kaitn merdeka, jadi kaitn pan bondar-bondar merdeka.

Kisah Boko Rasul 13:43

Lopas jadi sombayakng, banya' urakng tuyut Paulus agatn Barnabas. Ado boko urakng Yahudi huatan boko urakng inyo bukainyo urakng Yahudi inyo udah pocayo ko Allah jam. Paulus ongko Barnabas mongajar somuo sia', obai Allah nantai boi'. Allah moamputi dosa somuo urakng inyo pocayo agatn Yesus. Koduo rasul nantai moanjuran oca' sia' totap pocayo ko koboi'an hati Allah nantai.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Kisah Boko Rasul 26:22

Apo Allah molindukiku. Sampai ni'inan aku ija' hidup inya'anpan aku ija' ulih momboritoan mongona'i Yesus ko boko urakng inyo dianggap kinyo pontikng honda' pan boko urakng pontikng. La'apo inyo aku boritoan kinyo bukai doi' la'apo inyo ditulis boko nabi huatan Musa. Pado joman komai sia' momboritoan obai

Roma 11:22

Jadi, kito ulih moniant obai Allah boi' hati apo Sio pan koras aman monsio gola' dihukupm. Sio botindak koras agatn boko urakng Yahudi nantai inyo kinyo pocayo. Apo Sio boi' hati agatn kaitn, asal kaitn totap hidup di dalapm koboi'an Allah nantai. Aman cado, kaitn tajahan dipatahan jam.

Roma 2:13

Apo urakng monjadi bondar di hadapan Allah bukai obai mondinga' Hukupm Torat, apo obai monaati Hukupm Torat nantai.

Roma 7:12

Jadi, Hukupm Torat boasal doi' Allah huatan somuo porintah-Nyo nantai suci, bondar huatan boi'.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

2 Korintus 13:5

Uji bo diri kaitn siku' aman kaitn bondar-bondar hidup ubo urakng inyo pocayo agatn Kristus. Poriso'i cam diri kaitn! Pasti kaitn tohu obai Kristus Yesus ado di dalapm hati kaitn. Aman Sio kinyo ado di dalapm kaitn, rotinyo kaitn kinyo bondar-bondar pocayo.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

1 Timotius 2:15

Biar pan Hawa bodosa boko botina' ulih disolamant'an agatn molahiran ana'. Aman sia' hala pocayo ko Yesus, aman sia' mongasihi urakng bukai, huatan aman sia' hidup agatn caro inyo suci huatan ulih monjago dirinyo.

1 Timotius 4:16

Jagocam diri kolai oca' kolai hidup agatn caro inyo boi' huatan oca' kolai mongajar boko ajaran inyo bondar. Totap labuhan somuonyo nantai agatn sotia. Agatn caro nantai, Allah paca'an monyolamant'an kolai huatan monyolamant'an boko urakng inyo mondinga'an ajaran kolai.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

Yakobus 2:12

Jadi boko somadikan, watu kaitn mongatoan la'apo pan damo molabuhan la'apo pan, jangan sampai tongkolupatn ni'in: Nononyo kaitn paca'an dihakipi sosuai agatn hukupm inyo mombebasan.

1 Petrus 2:16

Kohonda'nyo kaitn hidup sobagai urakng merdeka, apo jangannam momakai komordekaan nantai pakai' monutupi kojahatan, apo hidup cam sobagai hulutn Allah.

1 Yohanes 2:24

Jadi, jangan kaitn tongga'an pocayo agatn ajaran inyo bondar, ia'an ajaran inyo udah kaitn dinga' doi' kaitn hoyu' mula'i pocayo. Aman kaitn molabuhan nantai, lalu kaitn paca'an hala hidup bosatu agatn Allah Bopai huatan Yesus Kristus, Ana'-Nyo.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”

Wahyu 22:14

Sonang nyamanam cam somuo urakng inyo monopasi jubah sia'. Sia' paca'an dapat hak pakai' bopua' buah doi' kayu inyo moonji'i kohidupan. Sia' paca'an ulih mansu' ko dalapm kota nantai molalu'i boko pintu gerbakngnyo.