Yakobus 1:2 - Porjanjian Boharu Torjomahan Baso Dilakng Soari-ari

² Boko somadikan, watu kaitn mohadapi bomacapm poncoba'an, kaitn pan gola' mooso sonang-nyaman.

Yakobus 1:2 ပူးပေါင်းရင်းမြစ်များ

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

Filipi 1:29

Obai, Allah udah moonji'i kosompatan ko kaitn bukainyo bayo pakai' pocayo ko Kristus, apo pakai' mondorita' obai Kristus jam.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Roma 5:3

Bukainyo ongkah nantai saja'! Kito pan sonang-nyamanam pas watu kito mohadapi ajab sonsaro. Obai, kito mongotohu'i obai ajab sonsaro nantai mombulah kito somongkitn botahatn mohadapi ajab sonsaro.

Yakobus 1:16

Boko somadikan inyo ku kasihi, jangan salah bopikir.

Yakobus 1:19

Boko somadikan inyo ku kasihi, pohatiancam ni'in: Somuo kaitn gola' copat mondinga', apo jangan copat bopandir. Jangan ponggodian.

Yakobus 5:11

Porotian bo ni'in: Boko urakng inyo totap kuat mohadapi pondorita'an, sia' nam inyo kito anggap bobondar sonang. Ingantcam mongona'i Ayub. Sio botahatn mohadapi pondorita'an. Ahirnyo, Tuhatn momborokati Ayub. Jadi, kito tohu obai Tuhatn boi' hati huatan monunju'an kasih-Nyo ko kito.

Filipi 2:18

Ubo nian jam, kaitn gola' sonang-nyamanam ongko tuyut sonang-nyamanam agatn aku.