Yakobus 1:19 - Porjanjian Boharu Torjomahan Baso Dilakng Soari-ari

¹⁹ Boko somadikan inyo ku kasihi, pohatiancam ni'in: Somuo kaitn gola' copat mondinga', apo jangan copat bopandir. Jangan ponggodian.

Yakobus 1:19 ပူးပေါင်းရင်းမြစ်များ

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Markus 12:37

Dalapm tulisan nantai, Daud moningkau Kristus sobagai ‘Tuhatn’. Obai nantai, Io bukainyo bayo koturutan Daud aja'.” Apo Io lobih bokuaso doi' nantai. Urakng banya' inyo ado di santai sonang mondinga' Yesus mongajar.

Markus 2:2

Jadi, kotakan banya' urakng datakng bokumpul di santai. Rumah nantai bisi agatn urakng kotakan pohadapan lawakng pan conyiant ado tompat. Tongahan Yesus momboritoan Pomandiran Allah ko sia',

Lukas 15:1

Ado boko ponagih pajak huatan boko urakng bukai inyo dianggap kinyo boi' ulih masrakat. Biasonyo, sia' datakng mondingaꞌ Yesus mongajar.

Lukas 19:48

Apo culih sia' obai urakng banyaꞌ hala ado di sokitar Sio sonang mondingaꞌan ajaran Sio.

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 10:33

Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”

Kisah Boko Rasul 13:48

Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Efesus 4:26

Aman kaitn godi, jangan sampai mombulah kaitn bodosa. Kaitn gola' botongga' godi sobolupm matoari tonggolapm.

Efesus 4:31

Jangan agi' sakit hati, somu, godi. Jangan boporap damo mohayam urakng bukai. Jangan bulah somuo macapm kojahatan sama'an nantai.

Kolose 3:15

Kaitn samo sama'an sobukakng-sotubuh. Allah moningkau kaitn pakai' hidup dalapm sonang-asau agatn inyo bukai. Obai nantai, kohonda'nyo sonang-asau doi' Kristus monguaso'i hati kaitn. Bukai doi' nantai, bosukurcam ko Allah.

Kolose 3:8

Apo ni'in, kaitn gola' tongga' molabuhan somuo inyo ubo nantai. Jangan hagar godi. Jangan biaran oso godi monguaso'i kaitn. Jangan bonci' agatn urakng bukai. Jangan monjahai'-jahai'an urakng. Jangan mongatoan pomandiran inyo kinyo boi'.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

Yakobus 1:16

Boko somadikan inyo ku kasihi, jangan salah bopikir.

Yakobus 1:2

Boko somadikan, watu kaitn mohadapi bomacapm poncoba'an, kaitn pan gola' mooso sonang-nyaman.

Yakobus 1:26

Aman ado urakng inyo bopikir io rajitn sombayakng apo io co mongondalian lidahnyo, io bayo monipu dirinyo siku'. Sobondarnyo, io molayati Allah kinyo bobondar.

Yakobus 2:1

Boko somadikan, kaitn udah pocayo ko Yesus Kristus, Tuhatn inyo luar biaso. Obai nianam jangan moniant mato-muho.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

Yakobus 3:10

Jadi, boko somadikan, jangan molabuhan lou' sama'an nian. Kito culih momuji huatan moncolakoan agatn lidah kito.

Yakobus 4:11

Boko somadikan, jangan mongatoan boko hal inyo jahat mongona'i sosamo kaitn urakng pocayo. Jangan hala mohakipi. Aman kaitn molabuhan nantai, rotinyo kaitn co monaati porintah pakai' hala mongasihi inyo ado dalapm Hukupm Torat. Nantai samo sama'an kaitn mongatoan porintah nantai salah huatan kinyo boi'. Jadi, bukainyo monaati porintah, kaitn botindak samo sama'an kaitn monjadi boko hakipm inyo bohak monilai porintah nantai.

Yakobus 5:12

Boko somadikan, hal ni'in kotakng pontikng: Watu kolai bojanji, jangan cubo bosumpah pakai' monguat'an janji nantai agatn namo lapopan di sorugo damo di bumi. Aman kolai bopandir, “Au, aku paca'an molabuhan nantai.” Lalu, labuhancam nantai. Aman kolai bopandir, “Cado, aku co paca'an molabuhan nantai.” Lalu, jangan molabuhan nantai Labuhancam la'apo ja' inyo kolai janjian. Aman cado, nononyo Allah paca'an mohukupm kolai.

Yakobus 5:19

Boko somadikan inyo ku kasihi, mungkitn ado di antaro kaitn inyo kinyo moninggalan ajaran inyo bondar. Apo lopas nian ado urakng inyo momimpitn io agi' monuruti Tuhatn.

1 Yohanes 2:21

Aku monulis ni'in ko kaitn, bukainyo obai kaitn co mongotohu'i kobondaran, apo obai kaitn mongotohu'inyo. Obai kaitn pan mongotohu'i obai conyiant kotumbukan di dalapm ajaran inyo bondar nantai.