Yakobus 1:18 - Porjanjian Boharu Torjomahan Baso Dilakng Soari-ari

¹⁸ Sosuai agatn hajat Sio, Sio moonji'i kosompatan ko kito pakai' mondinga'an Kabar Boi' inyo bondar. Obai nantaiam kito pocayo, lalu kito monjadi boko poana'an Sio. Sio molabuhan nantai oca' kito monjadi boko urakng inyo doholu doi' antaro somuo inyo dipulah-Nyo. Samo sama'an boko buah inyo potamo doi' hasil hanyianinyo di onju' ko Allah obai husus umputn Sio.

Yakobus 1:18 ပူးပေါင်းရင်းမြစ်များ

Yohanes 1:13

Nantai kinyo tojadi socaro duniawi, samo sama'an boko urakng inyo dilahiran obai kohonda' damo hajat monsio. Sia' monjadi poana'an Allah obai Allah bulah somuo nantai memang tojadi.

Roma 4:17

Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

1 Korintus 4:15

Biar pan kaitn ado boribuan urakng inyo mombimbikng kaitn pakai' jumpat Kristus, apo co nyiant urakng inyo samo sama'an Bopai kaitn. Ongkah aku inyo monjadi Bopai kaitn obai aku ninam urakng potamo inyo momboritoan ko kaitn Kabar Boi' mongona'i Kristus Yesus.

2 Korintus 6:7

Koi hala momboritoan ajaran inyo bondar. Koi molabuhan boko la'apo pan agatn kuaso doi' Allah. Sio bulah koi hidup bondar dihadapan-Nyo. Caro hidup koi inyo bondar nantai samo sama'an sonjato inyo koi pakai mombela diri damo molawatn urakng bukai.

Efesus 1:12

Biar am koi, inyo mulo-mulo boharap ko Kristus, momuji Allah obai komulia'an-Nyo.

Efesus 1:13

Sama'an nian jam agatn kaitn. Kaitn udah mondinga' Kabar Boi' inyo bondar sampai kaitn pocayo ko Kristus huatan disolamant'an. Molalu'i Sio, Allah moonji'i tando obai kaitn pan monjadi umat-Nyo jam, ia'an Sio moonju' Roh-Nyo ko kaitn jam sosuai agatn janji-Nyo sobolupmnyo.

2 Timotius 2:15

Bousahacam oca' Allah moanggap kolai siku' urakng inyo rajitn bokorojo. Jadicam siku' urakng pogai inyo kinyo gola' malu obai somuo pokoroja'annyo boi'. Ajarancam agatn topat ajaran inyo bondar.

Ibrani 12:23

Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

Yakobus 1:15

Aman ado urakng inyo monuruti hawa napsunyo inyo jahat nantai, jadi io bulah dosa. Lalu, aman io hala bulah dosa, io paca'an topisah doi' Allah, akibatnyo io mati.

Yakobus 1:21

Jadi, kaitn gola' botongga' molabuhan boko hal inyo kotor huatan jahat. Lopas nian, jangan buhau. Apo torima'cam Pomandiran Allah agatn rondah hati. Allah udah monyimpatn Pomandiran-Nyo dalapm hati kaitn. Pomandiran-Nyo nantai ado kuaso pakai' monyolamant'an hidup kaitn.

Yakobus 3:14

Apo aman kaitn tungi hati huatan ado kohonda' dalapm hati pakai' monjadi lobih hebat daripado urakng bukai, jangan kaitn buhau huatan jangan momutarbali'an borito inyo bondar doi' Allah.

1 Petrus 1:23

Obai, kaitn dionji'i kohidupan boharu ibaratnyo kaitn lahir agi'. Kaitn dilahiran agi' bukainyo obai monsio inyo ulih mati apo obai kaitn pocayo agatn Pomandiran Allah mongona'i Kristus. Pomandiran Allah nantai hidup ongko botahatn sampai somanah-manahnyo.

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

1 Yohanes 3:9

Urakng inyo monjadi ana' Allah, culih hala bulah dosa. Obai, tobiat Allah siku' ado di dalapmnyo. Allah nam Bopainyo, jadi io culih hala bulah dosa.

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.