Yakobus 1:14 - Porjanjian Boharu Torjomahan Baso Dilakng Soari-ari

¹⁴ Apo boko urakng dicubo'i ulih hawa napsu sia' siku', bukatnnyo doi' Allah. Hawa napsu sia' morubah porhatian sia' doi' Allah, lalu sia' bulah dosa.

Yakobus 1:14 ပူးပေါင်းရင်းမြစ်များ

Matius 15:18

Apo pomandiran inyo koluar doi' mulut monunju'an hati boko urakng. Boko hal nantai inyo ulih bulah boko urakng monjadi campah bukakng-tubuhnyo.

Matius 15:20

Boko hal nantaiam inyo bulah boko urakng monjadi campah, bukainyo obai boko urakng kinyo mombasu'i jari sobolupm makatn!”

Matius 4:1

Lopas nantai, Roh Allah moirikan Yesus ko padakng pasir inyo langunt oca' dicubo'i Rajo Sitatn.

Matius 5:28

Apo Aku moonju' porintah ni'in ko kaitn: Jangan sampai lolaki borotian botina' ongko honda' bomporajoan agatn io inyo bukainyo bininyo. Aman lolaki nantai molabuhannyo, boroti io udah bomporajoan dalapm hatinyo.

Roma 7:11

Obai, pas-udah aku tohu porintah nantai, kuaso dosa monguti' kosompatan nantai pakai' monipu hati aku. Daripado mondapat'an hidup, aku gola' dihukupm mati topisah doi' Allah.

Roma 7:13

Aman sama'an nian, apobai porintah inyo boi' nantai mombulah aku gola' dihukupm mati topisah doi' Allah? Samo sokali cado! Kuaso dosa inyo molabuhan nantai! Kuaso dosa monggunoan porintah inyo boi' pakai' mombulah aku gola' dihukupm mati topisah doi' Allah. Nantai tojadi oca' jolas apo nantai dosa. Porintah inyo boi' digunoan oca' lobih jolas agi' dosa memang kotakan jahat.

Efesus 4:22

Kaitn diajar pakai' moninggalan caro hidup kaitn inyo manah nantai, ia'an kohidupan kaitn inyo monjadi rusa' obai kaitn monjumpati boko kohonda' inyo monipu kaitn.

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Yakobus 1:13

Aman ado urakng inyo dicubo'i pakai' bulah dosa, jangannam urakng nantai mongatoan, “Allah inyo moncubo'i aku!” Obai, Allah kinyo mombulah sopo pan bulah dosa. Huatan, conyiant inyo ulih moncubo'i Allah.

Yakobus 1:15

Aman ado urakng inyo monuruti hawa napsunyo inyo jahat nantai, jadi io bulah dosa. Lalu, aman io hala bulah dosa, io paca'an topisah doi' Allah, akibatnyo io mati.