Wahyu 9:20 - Porjanjian Boharu Torjomahan Baso Dilakng Soari-ari

²⁰ Apo boko urakng bukai, inyo co mati ulih boncana nantai, sia' totap co honda' botongga' monyombah boko lompatukng inyo sia' pulah agatn jarinyo sikuꞌ. Sia' totap monyombah boko roh jahat huatan boko berhala inyo dipulah doi' omas, pira', tombago, batu, kayu; ia'an boko berhala inyo co ulih moniant huatan mondinga' huatan bojalatn.

Wahyu 9:20 ပူးပေါင်းရင်းမြစ်များ

Wahyu 9:21

Sia' pan co honda' moninggalan boko dosa sia' inyo bukai, ia'an mombunuh, momakai ilmu sihir, bulah dosa bomporajoan, huatan mongolit.

1 Timotius 4:1

Ingantcam Roh Allah udah mongatoan agatn togas obai paca'an ado boko urakng inyo paca'an co pocayo agi' ko Yesus. Sia' paca'an pocayo ko boko urakng inyo mongajar boko ajaran inyo salah. Boko ajaran nantai doi' boko roh jahat.

Kisah Boko Rasul 19:26

Apo ni'inan kaitn siku' udah mondinga' ajaran Paulus. Io mongajar obai boko lompatukng sama'an inyo kito pulah, bukainyo duato apo bayo pulahan monsio mo. Kaitn siku' udah moniant obai Paulus udah morubah pomikiran banya' urakng, boi' pondudu' Efesus huatan pondudu' doi' somuo doerah di propinsi Asia.

Kisah Boko Rasul 7:41

Timpu nantai am sia' bulah lompatukng inyo bukakngnyo sama'an ana' sapi. Sia' mombaba' posombahan ko lompatukng nantai. Agatn sonang hati sia' moadoan pogai bosar. Pogai nantai pakai' morayaan lompatukng, pulahan sia' siku'.

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

Kisah Boko Rasul 17:29

Obai kito nantai ‘koturutan-Nyo,’ jadi jangan bopikir Allah nantai sosuatu inyo dipulah doi' omas, pira' damo batu. Somuo bando nantai dirancakng huatan dipulah ulih monsio mo.

Wahyu 16:8

Molekat koompat monumpahan mangku'nyo ko pucu' matoari. Lalu, matoari dionji'i kuaso pakai' moloburan monsio agatn api.

Wahyu 9:19

Obai kuaso boko kuda nantai ado di dalapm nyaonyo. Apo sia' pan ado kuaso di iku' sia'. Obai iku' sia' sama'an ular inyo bokopala'. Agatn nantai, sia' mondorako'i urakng.

Wahyu 15:1

Lopas nian, aku moniant somacapm tando bukai di langit. Tando nantai kotakan hebat huatan mohiratan. Ni'inan tandonyo: Ado tujuh molekat agatn tujuh malopotako toahir. Kotujuh malopotako nantai ia'an boko malopotako toahir obai lopas nantai ponggodi Allah paca'an boahir.