Wahyu 9:2 - Porjanjian Boharu Torjomahan Baso Dilakng Soari-ari

² Sio mombuka' lawakng lubakng jurakng maut nantai. Lalu, ansap noi' doi' lubakng nantai sama'an ansap doi' podopuran api inyo bosar. Ansap inyo koluar doi' lubakng nantai kotakng tobal sampai matoari huatan langit monjadi potakng.

Wahyu 9:2 ပူးပေါင်းရင်းမြစ်များ

Kisah Boko Rasul 2:19

Aku pan tajahan bulah boko tando mujisat inyo luar biaso di langit huatan di bumi. Watu nantai paca'an ado darah, api ongko ansap tobal.

Wahyu 14:11

Ansap doi' api inyo monyonsaro'i sia' nantai paca'an noi' ko pucu' somanah-manahnyo. Sia' disiksa siakng-malapm kinyo botongga'-boronti. Sama'an nianam ajab sonsaro inyo paca'an tojadi pakai' sia' inyo monyombah bonatakng huatan lompatukngnyo nantai, boko urakng inyo monorima' tando damo bonatakng nantai.”

Wahyu 16:10

Molekat kolima' monumpahan mangku'nyo ko pucu' tahta bonatakng nantai. Jadi, koraja'an bonatakng nantai monjadi potakng. Boko urakng mongotap lidah sia' obai mooso kompodihan.

Wahyu 8:12

Molekat inyo koompat moniup trompetnyo. Watu nantai, ado lou' inyo moninggakng morusa' soportigo matoari, soportigo bulatn agatn soportigo boko bintakng huatan soportigonyo monjadi potakng. Soportigo siakng arinyo monjadi potakng. Ubo nian jam, somanah soportigo malapm arinyo monjadi potakng.

Wahyu 9:1

Lopas nantai, molekat inyo kolima' moniup trompetnyo. Pas nian, aku moniant sobuah bintakng jatu' doi' langit ko bumi. Bintakng nantai dionji'i kunci Jurakng Maut.

Wahyu 9:11

Rajo inyo momorintah sia' ia'an molekat Jurakng Maut. Damonyo dalapm baso Ibrani ia'an ‘Abadon’, dalapm baso Yunani ia'an ‘Apolion’. Rotinyo ‘urakng inyo mombonasoan.’

Wahyu 9:17

Aku moniant boko kuda nantai dalapm poniant'anku. Aku pan moniant boko urakng inyo monunggakngnyo. Sia' momakai baju bosi inyo bowarna mirah sama'an api, biru sama'an batu nilam, huatan kuning sama'an bolerang. Boko kuda nantai bokopala' sama'an kopala' singa. Ado api, ansap huatan bolerang inyo koluar doi' nyao boko kuda nantai.