Wahyu 9:17 - Porjanjian Boharu Torjomahan Baso Dilakng Soari-ari

¹⁷ Aku moniant boko kuda nantai dalapm poniant'anku. Aku pan moniant boko urakng inyo monunggakngnyo. Sia' momakai baju bosi inyo bowarna mirah sama'an api, biru sama'an batu nilam, huatan kuning sama'an bolerang. Boko kuda nantai bokopala' sama'an kopala' singa. Ado api, ansap huatan bolerang inyo koluar doi' nyao boko kuda nantai.

Wahyu 9:17 ပူးပေါင်းရင်းမြစ်များ

Wahyu 11:5

Aman ado urakng inyo honda' mondorako'i sia', ado api inyo koluar doi' nyao sia' pakai' mombonasoan boko musuh nantai. Boko urakng inyo honda' mondorako'i sia' paca'an dibunuh agatn caro nantai.

Wahyu 14:10

somuo urakng nantai paca'an dihukupm borat kinyo kurakng. Samo sama'an sia' minum anggur inyo molambakan ponggodi Allah. Anggur nantai kotakng koras, co dicampur agatn ara'i dalapm cangkir Allah. Sia' paca'an disiksa dalapm api huatan bolerang di pohadapan mato boko molekat Allah huatan di pohadapan mato Ana' Domba.

Wahyu 19:20

Bonatakng nantai ditangkap bosamo-samo agatn nabi palsu nantai, ia'an io inyo bulah boko mujisat nantai di hadapan mato bonatakng nantai. Agatn boko mujisat nantai, io monipu boko urakng inyo ado tando bonatakng nantai, boko urakng inyo monyombah lompatukng bonatakng nantai. Jadi, bonatakng huatan nabi palsu nantai dibuakan hidup-hidup ko dalapm loutan api inyo tongahan bonyalo agatn bolerang.

Wahyu 20:10

Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 21:20

inyo kolima' batu mirah inyo disobut batu baiduri sepah, inyo koonam batu mirah tuho inyo disobut batu delima, inyo kotujuh batu kuning inyo disobut batu ratna cempaka, inyo kodolapatn batu biru inyo disobut batu beril, inyo kosombilatn batu kuning inyo disobut batu krisolit, inyo kosopuluh batu inyo disobut batu krisopras, inyo kosobolas batu jingga inyo disobut batu lazuardi huatan inyo koduo bolas batu ungu inyo disobut batu kocubukng.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 9:18

Soportigo somuo urakng di dunia dibunuh obai kotigo boncana nantai, ia'an api, ansap huatan bolerang inyo koluar doi' nyao boko kuda nantai.

Wahyu 9:9

Dado sia' ditutupi agatn lou' sama'an baju bosi. Bunyi doi' sayap sia' sama'an bunyi doi' banya' koreta ditari' boko kuda inyo tongahan ngidi'an ko tompat poparakan.