Wahyu 8:5 - Porjanjian Boharu Torjomahan Baso Dilakng Soari-ari

⁵ Lalu, molekat nantai monguti' ongko moisi'i mangku' nantai agatn baro api doi' mesbah nantai. Io monikapannyo ko bumi. Ongko ado saro guntur solitar, huatan gompa bumi.

Wahyu 8:5 ပူးပေါင်းရင်းမြစ်များ

Wahyu 11:19

Lalu, tobuka'am Rumah Allah di sorugo. Poti Pojanjian Allah ulih ditiat di dalapm Rumah Allah nantai. Lalu, ado solitar, saro guntur inyo borakng, gompa bumi huatan hujatn es inyo lobat.

Wahyu 4:5

Ado kilat ongko bunyi guntur solitar inyo koluar doi' tahta di tongah nantai. Di pohadapan tahta nantai ado tujuh obor inyo bonyalo. Nianam kotujuh Roh Allah.

Kisah Boko Rasul 16:26

Ntobukan ado gompa bumi. Gompa bumi nantai kotakan kuat sampai pondasi ponjara nantai toguyakng. Lansukng somuo lawakng ponjara nantai tobuka'. Sotiap rantai tolopas doi' somuo tahatan di santai.

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

Wahyu 6:12

Lopasnyo, Ana' Domba nantai mombuka' segel koonam. Watu nian, aku moniant, ih, ado gompa bumi inyo bosar. Matoari monjadi hitapm hiru' sama'an pakai'an urakng tongahan bulikng. Bulatn monjadi mirah sama'an darah.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Lukas 12:49

“Aku datakng pakai' monikapan api ko dunia. Kotakng boi' aman api nantai udah bonyalo.

Matius 24:7

Banso paca'an boparakng molawatn banso bukai. Negara molawatn negara bukai. Di mono-mono paca'an ado kolaparan ongko gompa bumi.

Wahyu 8:3

Siku' urakng molekat bukai datakng mombaba' sobuah mangku' inyo dipulah doi' omas, husus pakai' moncucul rabutn. Molekat nantai botula' bodiritn dampikng mesbah. Io dionji'i banya' monyan dalapm mangku' nantai pakai' diposombahan bosamo-samo agatn doa somuo urakng inyo pocayo. Io momposombahan nantai di pucu' mesbah omas inyo di hadapan tahta nantai.