Wahyu 8:3 - Porjanjian Boharu Torjomahan Baso Dilakng Soari-ari

³ Siku' urakng molekat bukai datakng mombaba' sobuah mangku' inyo dipulah doi' omas, husus pakai' moncucul rabutn. Molekat nantai botula' bodiritn dampikng mesbah. Io dionji'i banya' monyan dalapm mangku' nantai pakai' diposombahan bosamo-samo agatn doa somuo urakng inyo pocayo. Io momposombahan nantai di pucu' mesbah omas inyo di hadapan tahta nantai.

Wahyu 8:3 ပူးပေါင်းရင်းမြစ်များ

Lukas 1:10

Timpu io moncucul sampu pangkukng dohupo nantai, ado banyaꞌ urakng di luar tongahan bodoa.

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Ibrani 9:4

Dalapm ruakan nantai ado mesbah inyo dipulah doi' omas. Mesbah nantai dipakai pakai' moncucul dupo. Ado jam Poti Pojanjian, somuonyo disolut agatn omas. Dalapm Poti nantai ado botul omas inyo boisi manna, ado tungkah Harun inyo kalo botunas, ado jam boko loh batu. Sopuluh porintah Allah ditulis di boko loh batu nantai.

Wahyu 10:1

Lopas nian, aku moniant sikuꞌ molekat bukai inyo kuat. Io turutn doi' sorugo di tutupi awatn. Ado siandakng di pucu' kopala'nyo. Mato-muhonyo bosinar sama'an matoari. Kakinyo sama'an tihakng api.

Wahyu 14:18

Siku' molekat inyo bukai agi' datakng doi' mesbah. Molekat nantai bokuaso ko api. Sio bopandir agatn saro borakng ko molekat inyo monjujut sabit tajapm nantai. Katonyo, “Pakaicam sabit kolai pakai' monota' somuo buah doi' batakng anggur di bumi. Obai buah anggur nantai udah mansa'am.”

Wahyu 5:8

Pas Sio monguti' gulukan buku nantai, koompat mahluk ongko koduo puluh ompat pomimpitn nantai lansukng tundu' monyungkapan di hadapan Ana' Domba nantai. Sia' siku'-monyiku' monjujut kocapi. Somuo sia' pan ado cangkir omas inyo boisi komonyan. Nantaiam somuo doa urakng inyo pocayo.

Wahyu 6:9

Lopas nian, Ana' Domba nantai mombuka' segel kolima'. Watu nantai, aku moniant banya' jiwa di babah mesbahAllah. Boko jiwa nantai ia'an boko urakng inyo udah dibunuh obai sia' momboritoan Pomandiran doi' Allah huatan obai sia' bosasi mongona'i Yesus.

Wahyu 7:2

Koompat molekat nantai udah dionji'i kuaso pakai' morusa'an bumi ongko lout. Apo aku moniant ado siku' urakng molekat inyo bukai inyo koluar doi' sopia' timur. Io mombaba' cap doi' Allah inyo hidup. Sio bopandir ko koompat molekat nantai agatn saro kotakan borakng.

Wahyu 8:4

Ansap komonyan nantai noi' doi' mangku' dohupodi longan molekat nantai. Ansap nantai noi' bosamo-samo agatn doa boko urakng pocayo ko hadapan Allah.

Wahyu 8:5

Lalu, molekat nantai monguti' ongko moisi'i mangku' nantai agatn baro api doi' mesbah nantai. Io monikapannyo ko bumi. Ongko ado saro guntur solitar, huatan gompa bumi.

Wahyu 9:13

Lopas nantai, molekat inyo koonam moniup trompetnyo. Lopas nantai, aku mondinga' ado saro. Saro nantai datakng doi' koompat tandu' inyo ado di sotiap buncu mesbah omas inyo di hadapan Allah.