Wahyu 8:12 - Porjanjian Boharu Torjomahan Baso Dilakng Soari-ari

¹² Molekat inyo koompat moniup trompetnyo. Watu nantai, ado lou' inyo moninggakng morusa' soportigo matoari, soportigo bulatn agatn soportigo boko bintakng huatan soportigonyo monjadi potakng. Soportigo siakng arinyo monjadi potakng. Ubo nian jam, somanah soportigo malapm arinyo monjadi potakng.

Wahyu 8:12 ပူးပေါင်းရင်းမြစ်များ

Matius 24:29

“Kinyo manah lopas watu ajab sonsaro nantai, matoari paca'an monjadi golap. Bulatn kinyo paca'an borandai agi'. Boko bintakng paca'an jatu' doi' langit. Huatan boko ponguaso di langit paca'an boguyakng.

Matius 27:45

Watu japm duo bolas tongah ari, soluruh doerah nantai potakng-kabut sampai japm tigo babahari.

Markus 13:24

“Lopas jadi ajab sonsaro nantai, matoari tajahan monjadi potakng. Bulatn kinyo borandai agi'.

Markus 15:33

Pas japm duo bolas tongah ari, soluruh doerah nantai monjadi kotakng potakng sampai japm tigo babahari.

Lukas 21:25

“Nononyo paca'an ado boko tando di matoari, bulatn, boko bintakng di langit inyo monunju'an dunia ni'in tajahan boahir. Di bumi boko urakng monjadi kotakng gola', monjadi putus asa obai loutnyo tajahan boguruh bogura', tajahan bogolumbakng bosar.

Kisah Boko Rasul 2:20

Matoari paca'an monjadi golap. Bulatn paca'an monjadi mirah ubo darah. Boko hal nantai paca'an tojadi sobolupm Tuhatn datakng. Ari kodatakan Tuhatn nantai ari inyo pontikng huatan luar biaso.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 16:10

Molekat kolima' monumpahan mangku'nyo ko pucu' tahta bonatakng nantai. Jadi, koraja'an bonatakng nantai monjadi potakng. Boko urakng mongotap lidah sia' obai mooso kompodihan.

Wahyu 6:12

Lopasnyo, Ana' Domba nantai mombuka' segel koonam. Watu nian, aku moniant, ih, ado gompa bumi inyo bosar. Matoari monjadi hitapm hiru' sama'an pakai'an urakng tongahan bulikng. Bulatn monjadi mirah sama'an darah.

Wahyu 9:15

Jadi, koompat molekat nantai dilopasan. Sia' udah disiapan pakai' watu inyo udah ditontuan, ia'an japmnyo, arinyo, bulatnnyo, tohutnnyo. Sia' disiapan pakai' mombunuh soportigo doi' somuo urakng di dunia.

Wahyu 9:18

Soportigo somuo urakng di dunia dibunuh obai kotigo boncana nantai, ia'an api, ansap huatan bolerang inyo koluar doi' nyao boko kuda nantai.