Wahyu 8:10 - Porjanjian Boharu Torjomahan Baso Dilakng Soari-ari

¹⁰ Molekat inyo kotigo moniup trompetnyo. Watu nantai, ado bintakng bosar inyo bonyalo sama'an obor. Bintakng nantai jatu' doi' langit, moninggakng soportigo doi' somuo sungai huatan mato ara'i.

Wahyu 8:10 ပူးပေါင်းရင်းမြစ်များ

Matius 25:1

“Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

Lukas 10:18

Lalu kato Yesus ko sia', “Aku udah moniant Rajo Sitatn jatu' doi' langit sama'an kilat.

Yudas 1:13

Sia' samo sama'an golumbakng bosar inyo mombaba' apukng inyo kotor, ia'an porbuatan jahat sia' inyo soharusnyo mombulah sia' malu. Sia' sama'an boko bintakng inyo bopindah-pindah. Jadi, boko urakng nantai paca'an dihukupm somanah-manahnyo di tompat inyo kotakan potakng-hiru' inyo udah disodiaan pakai' sia'.

Wahyu 1:20

Dalapm poniant'an tontai kolai moniant tujuh tihakng tompat molota'an pompolitoan inyo dipulah doi' omas. Kolai pan moniant jam tujuh bintakng di longan kanan-Ku. Nianam rotinyo: Kotujuh tihakng tompat molota'an pompolitoan nantai monggambaran kotujuh jomaat. Kotujuh bintakng nantai monggambaran kotujuh molekat inyo monjago boko jomaat nantai.”

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 14:7

Molekat nantai bopandir agatn saro borakng. Katonyo, “Hormaticam Allah. Pujicam Sio! Obai, sampaiam watunyo pakai' Allah mohakipi somuo urakng. Sombahcam Sio inyo mombulah langit, bumi, lout huatan somuo mato ara'i.”

Wahyu 16:4

Molekat kotigo monumpahan mangku'nyo ko pucu' somuo sungai huatan mato ara'i. Lalu, somuo ara'i nantai monjadi darah jam.

Wahyu 6:13

Boko bintakng di langit potaras jatu' ko bumi samo sama'an boko buah ara inyo ija' matah jatu' doi' batakngnyo pas dipuput angin bonakau.

Wahyu 8:7

Molekat inyo potamo moniup trompetnyo. Watu nantai, hujatn es agatn hujatn api, bocampur darah jatu' ko bumi. Ongko, soportigo bumi habis kocuculan, soportigo doi' boko tontanaman huatan somuo rumput hijau habis kocuculan jam.

Wahyu 9:1

Lopas nantai, molekat inyo kolima' moniup trompetnyo. Pas nian, aku moniant sobuah bintakng jatu' doi' langit ko bumi. Bintakng nantai dionji'i kunci Jurakng Maut.

Wahyu 9:15

Jadi, koompat molekat nantai dilopasan. Sia' udah disiapan pakai' watu inyo udah ditontuan, ia'an japmnyo, arinyo, bulatnnyo, tohutnnyo. Sia' disiapan pakai' mombunuh soportigo doi' somuo urakng di dunia.

Wahyu 9:18

Soportigo somuo urakng di dunia dibunuh obai kotigo boncana nantai, ia'an api, ansap huatan bolerang inyo koluar doi' nyao boko kuda nantai.