Wahyu 7:2 - Porjanjian Boharu Torjomahan Baso Dilakng Soari-ari

² Koompat molekat nantai udah dionji'i kuaso pakai' morusa'an bumi ongko lout. Apo aku moniant ado siku' urakng molekat inyo bukai inyo koluar doi' sopia' timur. Io mombaba' cap doi' Allah inyo hidup. Sio bopandir ko koompat molekat nantai agatn saro kotakan borakng.

Wahyu 7:2 ပူးပေါင်းရင်းမြစ်များ

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

2 Korintus 1:22

Sio udah monyegel kito monjadi umputn-Nyo huatan moonju' Roh-Nyo di dalapm hati kito. Agatn molabuhan nantai Allah monjamin Sio paca'an moonji'i somuo inyo Sio janjian.

Efesus 1:13

Sama'an nian jam agatn kaitn. Kaitn udah mondinga' Kabar Boi' inyo bondar sampai kaitn pocayo ko Kristus huatan disolamant'an. Molalu'i Sio, Allah moonji'i tando obai kaitn pan monjadi umat-Nyo jam, ia'an Sio moonju' Roh-Nyo ko kaitn jam sosuai agatn janji-Nyo sobolupmnyo.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

2 Timotius 2:19

Apo Allah bulah pondasi inyo kuat, inyo kinyo toguyakng. Di pucu' pondasi nantai totulis, “Tuhatn mongonal boko urakng inyo bondar-bondar umputn Sio,” huatan “Urakng inyo bopandir aman io nantai umputn Allah, urakng nantai gola' botongga' molabuhan inyo jahat.”

Ibrani 12:22

Apo kaitn udah datakng ko Bukit Sion, ko kota Allah inyo hidup, ia'an kota Yerusalem inyo ado di sorugo. Kaitn datakng mohadapi boribu-ribu molekat.

Wahyu 1:3

Diborokati urakng inyo mombaco huatan inyo mondinga'an boko posatn doi' Allah ni'in. Diborokati somuo urakng inyo monuruti boko hal inyo ditulis di dalapmnyo. Obai, watunyo co manah agi' somuonyo ni'in paca'an tojadi.

Wahyu 10:1

Lopas nian, aku moniant sikuꞌ molekat bukai inyo kuat. Io turutn doi' sorugo di tutupi awatn. Ado siandakng di pucu' kopala'nyo. Mato-muhonyo bosinar sama'an matoari. Kakinyo sama'an tihakng api.

Wahyu 10:4

Pas kotujuh guntur nantai bopandir, aku siap monulis pomandirannyo. Apo watu nantai, aku mondinga' ado bunyi saro doi' sorugo. Kato-nyo, “Jangan monulisan pomandiran kotujuh guntur nantai. Jangan monyatoan hal nantai!”

Wahyu 16:12

Molekat koonam monumpahan mangku'nyo ko pucu' sungai Efrat inyo bosar nantai. Lalu sungai nantai monjadi rangkai oca' boko rajo doi' timur bosamo boko tontara sia' ulih maju monyorakng.

Wahyu 5:2

Aku moniant jam siku' molekat inyo kotakan kuat. Molekat nantai mondongkakng-mondorah kotakan borakng. Katonyo, “Sopo inyo cucu' molopasan boko segel lalu mombuka' gulukan buku nian?”

Wahyu 8:3

Siku' urakng molekat bukai datakng mombaba' sobuah mangku' inyo dipulah doi' omas, husus pakai' moncucul rabutn. Molekat nantai botula' bodiritn dampikng mesbah. Io dionji'i banya' monyan dalapm mangku' nantai pakai' diposombahan bosamo-samo agatn doa somuo urakng inyo pocayo. Io momposombahan nantai di pucu' mesbah omas inyo di hadapan tahta nantai.

Wahyu 9:14

Saro nantai bopandir ko molekat koonam inyo monjujut trompet nantai. Katonyo, “Kulo gola' molopasan koompat molekat inyo dikobat di sungai Efrat inyo bosar nantai!”

Wahyu 9:4

Boko bunta' nantai dirarakng oca' jangan morusa' rumput, tontanaman, huatan boko kayu. Sia' ongkah ulih monyakiti boko urakng inyo conyiant tando Allah di koning.