Wahyu 7:16 - Porjanjian Boharu Torjomahan Baso Dilakng Soari-ari

¹⁶ Sia' co paca'an kalo kolaparan damo korahakan agi'. Podi' cokalo monyusahan sia' agi'.

Wahyu 7:16 ပူးပေါင်းရင်းမြစ်များ

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Wahyu 21:4

Sio paca'an mohapus somuo ara'i mato doi' mato sia'. Boko urakng kinyo paca'an mati agi', kinyo paca'an bulikng agi', kinyo paca'an monangis agi', kinyo paca'an mooso kompodihan agi'. Obai, boko hal inyo manah nantai udah dihilakanam.”

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Lukas 6:21

Diborokati kaitn bayakan kolaparan watu ni'in, obai kaitn paca'an dikonyangan nononyo! Diborokati kaitn inyo monangis watu ni'in, obai kaitn tajahan rindakng totao nononyo!

Lukas 1:53

Urakng inyo kolaparan, Sio kosihan agatn koboi'an. Apo urakng dampu, Sio tundukng huatan co dionji'i la'apo pan.

Matius 13:6

Apo boko tontanaman nantai kinyo bourat. Obai nantaiam, watu matoari momancar, boko tontanaman nantai monjadi layu, lalu mati obai rangkai.

Yakobus 1:11

Pas matoari mongkitn tinggi di langit, podi'nyo bulah padakng rumput monjadi layu. Boko kombakng luruh. Kinyo boi' agi'. Ubo nian jam inyo paca'an tojadi ko urakng dampu. Io paca'an mati watu io tongahan camuh agatn usahanyo.

Markus 4:17

Apo sia' bayo pocayo kotakng oca' mo obai kinyo boakar. Aman sia' mohadapi pondorita'an damo disiksa obai sia' pocayo Pomandiran Allah, jadi sia' co honda' pocayo agi'.

Markus 4:6

Apo boko tontanaman nantai kinyo boakar. Obai nantai, watu dipanjah podi', boko tontanaman nantai monjadi layu, rangkai ongko mati.

Matius 13:21

Apo sia' bayo pocayo sobontar mo obai co bourat. Aman sia' mohadapi pondorita'an huatan didorako'i obai sia' pocayo pomandiran Allah, lalu sia' co honda' pocayo Pomandiran Allah agi'.