Wahyu 7:15 - Porjanjian Boharu Torjomahan Baso Dilakng Soari-ari

¹⁵ Nantai sobabnyo sia' bodiritn di pohadapan tahta Allah, hala molayati Sio siakng-malapm di Rumah Allah. Sio inyo dudu' di tahta nantai paca'an monyoroto'i ongko molinduki sia'.

Wahyu 7:15 ပူးပေါင်းရင်းမြစ်များ

Wahyu 22:3

Di dalapm kota nantai, co nyiant inyo kona' tulahdoi' Allah. Tahta Allah agatn Ana' Domba nantai paca'an ada'an di dalapm kota nantai. Boko urakng inyo molayati Sio paca'an monyombah-Nyo,

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Wahyu 22:5

Conyiant malapm agi' di siatn tai. Sia' co momontikan cohayo doi' lampu damo matoari, obai Tuhatn Allah siku'mo paca'an monoraki sia'. Sia' paca'an momorintah ubo rajo sampai somanah-manahnyo.

Wahyu 11:19

Lalu, tobuka'am Rumah Allah di sorugo. Poti Pojanjian Allah ulih ditiat di dalapm Rumah Allah nantai. Lalu, ado solitar, saro guntur inyo borakng, gompa bumi huatan hujatn es inyo lobat.

Wahyu 7:9

Lopas nantai aku moniant, ih, ado kumpulan urakng inyo kotakan banya', kinyo tohitukng jumlahnyo. Sia' doi' sotiap banso, sotiap suku, sotiap negara, sotiap baso. Sia' bodiritn di hadapan tahta ongko di hadapan Ana' Domba. Sia' momakai jubah putih ongko monjujut boko dahatn kayu palem di jari sia'.

Wahyu 4:4

Ado duo puluh ompat tahta bukainyo inyo mongoliliki tahta nantai. Duo puluh ompat pomimpitn dudu' di boko tahta nantai. Sia' bopakaian putih huatan tiap iku' ado mahkota omas di kopala'.

Ibrani 8:1

Inti doi' somuo inyo sampai dikisahan di si'itan: Kito ado Imam Agukng inyo sama'an dikisahan nantai. Sio dudu' di tompat inyo tohormat di sorugo, di sopia' kanan tahta Allah inyo kotakng bokuaso.

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

Wahyu 20:10

Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 4:8

Koompat mahluk nantai siku'-monyiku' ado onam sayapnyo. Somuo sayap nantai banya' matonyo jam, sokolilikngnyo ongko di dalapmnyo. Siakng-malapm, koompat mahluk nantai bonyanyi kinyo botongga'-boronti. Kato sia', “Kudus, kudus, kudusam Tuhatn Allah, Inyo Maho Kuaso, inyo udah ado doi' komai, ongko inyo ado watu ni'in, ongko inyo paca'an datakng.”

Wahyu 4:9

Sia' momuji, mohormati, moucap sukur ko Sio inyo dudu' di tahta nantai, Sio inyo hidup somanah-manahnyo. Sotiap kali sia' molabuhan nantai,

Wahyu 13:6

Io mula'i mohanyam Allah, damo-Nyo, Rumah-Nyo, huatan somuo sia' inyo tinggal di sorugo.

Wahyu 21:22

Aku co moniant Rumah Allah di dalapm kota nantai. Obai, Tuhatn Allah inyo Maho Kuaso ongko Ana' Domba nantai am Rumah Allah pakai' kota nantai.