Wahyu 7:12 - Porjanjian Boharu Torjomahan Baso Dilakng Soari-ari

¹² Kato sia', “Amin! Pujicam Allah kito inyo mulia. Sio hala bijaksana, kuat ongko bokuaso. Sio cucu' dionji'i sukur ongko hormat sampai somanah-manahnyo! Amin!”

Wahyu 7:12 ပူးပေါင်းရင်းမြစ်များ

Yudas 1:25

Allah monyolamant'an kito molalu'i porbuatan Yesus Kristus, Tuhatn inyo bokuaso di pucu' kito. Allahnam inyo mulia, bosar, kuat, huatan bokuaso sobolupm dunia dipulah, sampai watu ni'in huatan pakai' somanah-manahnyo. Amin!

Wahyu 19:4

Koduo puluh ompat pomimpitn huatan koompat mahluk nantai lansukng tundu' monyungkapan huatan monyombah Allah inyo dudu' di tahta nantai. Sia' bopandir, “Amin! Haleluya!”

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

Kolose 2:7

Kohonda'nyo kaitn totap pocayo ko Sio huatan botumbuh dalapm Sio. Kohonda'nyo kaitn botambah kuat pocayo ko somuo ajaran inyo bondar inyo udah disampaian ko kaitn. Kohonda'nyo hati kaitn hala bosukur.

2 Korintus 4:15

Koi mohadapi somuo pondorita'an nantai pakai' koboi'an kaitn. Nantai tojadi oca' mongkitn banya' urakng moalapi koboi'an Allah. Jadi, lobih banya' urakng bosukur ko Allah. Agatn ubo nantai, Sio dimuliaan.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

1 Korintus 14:16

Obai, aman ado di antaro kaitn inyo moucap sukur ko Allah pakai baso doi' Roh Allah, ongko urakng bukai inyo hadir co ulih mongoroti pomandiran kaitn nantai. Co mungkitn urakng bukai nantai momandiran ‘Amin’ obai mondinga' ucapan sukur kaitn nantai!