Wahyu 6:9 - Porjanjian Boharu Torjomahan Baso Dilakng Soari-ari

⁹ Lopas nian, Ana' Domba nantai mombuka' segel kolima'. Watu nantai, aku moniant banya' jiwa di babah mesbahAllah. Boko jiwa nantai ia'an boko urakng inyo udah dibunuh obai sia' momboritoan Pomandiran doi' Allah huatan obai sia' bosasi mongona'i Yesus.

Wahyu 6:9 ပူးပေါင်းရင်းမြစ်များ

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

2 Korintus 5:8

Apo hati koi totap kuat. Koi lobih sonang mati, moninggalan bukakng-tubuh ni'in, lalu hidup bosamo-samo Tuhatn di sorugo.

Filipi 1:23

Aku ditari' di antaro koduo hal nantai! Aku honda' moninggalan dunia ni'in lalu diapm bosamo agatn Kristus. Memang nantai lobih boi' bagi ku.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

2 Timotius 4:6

Aku moonji'i boko potunju' nantai ko kolai obai kinyo manah agi' aku paca'an mati. Ni'in, aku siap monyorahan hidupku samo sama'an urakng monyorahan kurbatn posombahan ko Allah.

Ibrani 12:23

Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

Wahyu 1:2

Dalapm buku ni'in Yohanes monulis mongona'i Pomandiran Allah huatan mongona'i boko hal inyo Yesus Kristus nyatoan ko io, ia'an boko la'apo inyo Yohanes tiat dalapm poniant'an nantai.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 14:18

Siku' molekat inyo bukai agi' datakng doi' mesbah. Molekat nantai bokuaso ko api. Sio bopandir agatn saro borakng ko molekat inyo monjujut sabit tajapm nantai. Katonyo, “Pakaicam sabit kolai pakai' monota' somuo buah doi' batakng anggur di bumi. Obai buah anggur nantai udah mansa'am.”

Wahyu 16:7

Lalu aku mondinga' saro doi' mesbah bopandir, “Oi, Tuhatn Allah inyo Maho Kuaso. Duatn mohakipi urakng agatn bondar huatan adil.”

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

Wahyu 20:4

Lalu, aku moniant boko tahta. Boko urakng inyo dudu' di pucu'nyo dionji'i kuaso pakai' mohakipi. Aku pan moniant boko jiwa sia' inyo diponggal kopala'nyo obai sia' bosasi mongona'i Yesus ongko momboritoan Pomandiran doi' Allah. Ia'an sia' inyo co monyombah bonatakng ongko lompatukng nantai, sia' inyo kinyo monorima' tando bonatakng nantai di koning huatan jarinyo. Sia' hidup agi' lalu momorintah sobagai rajo bosamo Kristus somanah soribu tohutn nantai.

Wahyu 8:3

Siku' urakng molekat bukai datakng mombaba' sobuah mangku' inyo dipulah doi' omas, husus pakai' moncucul rabutn. Molekat nantai botula' bodiritn dampikng mesbah. Io dionji'i banya' monyan dalapm mangku' nantai pakai' diposombahan bosamo-samo agatn doa somuo urakng inyo pocayo. Io momposombahan nantai di pucu' mesbah omas inyo di hadapan tahta nantai.

Wahyu 9:13

Lopas nantai, molekat inyo koonam moniup trompetnyo. Lopas nantai, aku mondinga' ado saro. Saro nantai datakng doi' koompat tandu' inyo ado di sotiap buncu mesbah omas inyo di hadapan Allah.