Wahyu 6:8 - Porjanjian Boharu Torjomahan Baso Dilakng Soari-ari

⁸ Lalu aku moniant, ih, ado siku' kuda hijau kuning. Urakng inyo monunggaki kuda nantai bodamoan Maut huatan koraja'an maut tontuyutannyo. Sia' duo dionji'i kuaso pakai' mombunuh soporompat monsio di bumi. Ado inyo dibunuh agatn podakng, agatn kolaparan, doi' poranggapan, ongko molalu'i boko bonatakng ganas di bumi.

Wahyu 6:8 ပူးပေါင်းရင်းမြစ်များ

Matius 11:23

Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Matius 24:7

Banso paca'an boparakng molawatn banso bukai. Negara molawatn negara bukai. Di mono-mono paca'an ado kolaparan ongko gompa bumi.

1 Korintus 15:55

“Hai komatian, di mono komonangan kolai? Hai komatian, di mono kuaso kolai?”

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 9:15

Jadi, koompat molekat nantai dilopasan. Sia' udah disiapan pakai' watu inyo udah ditontuan, ia'an japmnyo, arinyo, bulatnnyo, tohutnnyo. Sia' disiapan pakai' mombunuh soportigo doi' somuo urakng di dunia.

Wahyu 9:18

Soportigo somuo urakng di dunia dibunuh obai kotigo boncana nantai, ia'an api, ansap huatan bolerang inyo koluar doi' nyao boko kuda nantai.