Wahyu 6:2 - Porjanjian Boharu Torjomahan Baso Dilakng Soari-ari

² Jadi aku moniant, ih, ado siku' kuda putih inyo moncumul. Urakng inyo monunggaki kuda nantai monggintikng sobuti' panah. Io dionji'i sobuti' mahkota. Sobagai urakng inyo udah monang, io maju ko luar pakai' mongalahan somuo musuh.

Wahyu 6:2 ပူးပေါင်းရင်းမြစ်များ

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Wahyu 14:14

Lopas nian, aku moniant, ih, ado awatn putih. Inyo dudu' di pucu' awatn putih nantai ia'an siku' urakng sama'an ‘Ana' Monsio’. Sio ado mahkota omas di kopala'-Nyo huatan sobilah sabit inyo tajapm di jari-Nyo.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 17:14

Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

Wahyu 15:2

Lalu aku moniant lou' sama'an loutan kaco bocampur api. Aku moniant jam boko urakng inyo udah monang doi' bonatakng huatan patukngnyo ongko monang doi' urakng inyo damonyo dilambakan agatn angka'. Boko urakng nantai bodiritn di pinggir loutan kaco nantai. Sia' siku'-monyiku' ado kocapi inyo dionju' Allah ko sia'.

Wahyu 11:18

Somuo banso udah godi. Apo ni'in ponggodi Duatn udah datakam. Watunyo udah datakng pakai' mohakipi boko urakng mati. Watunyo udah datakng pakai' moonji'i upah ko boko nabi inyo molayati Duatn, ko boko urakng pocayo, somuo sia' inyo mohormati Duatn, boko urakng inyo pontikng huatan co pontikng. Watunyo udah datakng pakai' mombonasoan boko urakng inyo mombonasoan bumi.”

1 Korintus 15:25

Obai, Sio gola' momorintah sobagai Rajo sampai Allah bulah somuo musuh-Nyo tundu' di babah kaki-Nyo

Wahyu 19:14

Somuo tontara sorugo tuyut Sio monunggakng kuda putih jam. Sia' momakai pakai'an doi' koitn lenan lombut inyo putih borosih.

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Wahyu 9:7

Rupo boko bunta' nantai sama'an boko kuda inyo udah siap pakai' boparakng. Sia' ado lou' sama'an mahkota omas di pucu' kopala' sia'. Mato muho sia' samo sama'an mato-muho monsio.