Wahyu 6:12 - Porjanjian Boharu Torjomahan Baso Dilakng Soari-ari

¹² Lopasnyo, Ana' Domba nantai mombuka' segel koonam. Watu nian, aku moniant, ih, ado gompa bumi inyo bosar. Matoari monjadi hitapm hiru' sama'an pakai'an urakng tongahan bulikng. Bulatn monjadi mirah sama'an darah.

Wahyu 6:12 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Matius 24:29

“Kinyo manah lopas watu ajab sonsaro nantai, matoari paca'an monjadi golap. Bulatn kinyo paca'an borandai agi'. Boko bintakng paca'an jatu' doi' langit. Huatan boko ponguaso di langit paca'an boguyakng.

Matius 24:7

Banso paca'an boparakng molawatn banso bukai. Negara molawatn negara bukai. Di mono-mono paca'an ado kolaparan ongko gompa bumi.

Matius 27:45

Watu japm duo bolas tongah ari, soluruh doerah nantai potakng-kabut sampai japm tigo babahari.

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 28:2

Ntobukan ado gompa bumi kotakng hebat obai ado siku' urakng molekat Tuhatn turutn doi' langit lalu monggulikan batu ponutup pasaran nantai. Molekat nantai dudu' di pucu' batu ponutupnyo.

Markus 15:33

Pas japm duo bolas tongah ari, soluruh doerah nantai monjadi kotakng potakng sampai japm tigo babahari.

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

Wahyu 16:18

Lalu ado kilat momanjah, bunyi guntur inyo borakng, huatan gompa bumi inyo luar biaso. Doi' mulo monsio ado di bumi, co kalo ado gompa bumi inyo sama'an nantai. Gompa bumi nantai kotakng luar biaso.

Wahyu 16:8

Molekat koompat monumpahan mangku'nyo ko pucu' matoari. Lalu, matoari dionji'i kuaso pakai' moloburan monsio agatn api.

Wahyu 8:12

Molekat inyo koompat moniup trompetnyo. Watu nantai, ado lou' inyo moninggakng morusa' soportigo matoari, soportigo bulatn agatn soportigo boko bintakng huatan soportigonyo monjadi potakng. Soportigo siakng arinyo monjadi potakng. Ubo nian jam, somanah soportigo malapm arinyo monjadi potakng.

Wahyu 8:5

Lalu, molekat nantai monguti' ongko moisi'i mangku' nantai agatn baro api doi' mesbah nantai. Io monikapannyo ko bumi. Ongko ado saro guntur solitar, huatan gompa bumi.