Wahyu 6:11 - Porjanjian Boharu Torjomahan Baso Dilakng Soari-ari

¹¹ Boko urakng inyo dibunuh siku'-monyiku' dionji'i jubah putih. Sia' diboritohu pakai' torahat agatn sabar sotogal agi'. Obai ija' ado boko somadikan inyo molayati Yesus inyo paca'an dibunuh, samo sama'an sia'. Sia' gola' monanti sampai jumlah urakng nantai udah diponuhi.

Wahyu 6:11 ပူးပေါင်းရင်းမြစ်များ

Matius 10:21

Paca'an tojadi obai boko urakng paca'an monyorahan boko somadikan sia' pakai' dibunuh. Paca'an ado boko Bopai inyo monyorahan boko poana'an sia' jam. Paca'an ado boko poana'an inyo molawatn monyorahan indai-bopai sia' pakai' dibunuh.

Lukas 15:22

Apo bopainyo moningkau boko hulutnnyo huatan bopandir, ‘Hohagarcam! Kuti' pakai'an inyo kotakng boi', huatan kona'an ko io. Kona'ancam cincipm ko jarinyo, huatan sopatu ko kakinyo.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

2 Timotius 4:7

Aku udah bouyuh-jorih agatn boi', aku udah moahiri potandikan huatan aku totap sotia sampai ahir.

Ibrani 11:40

obai Sio ado hajat inyo lobih boi' pakai' kito. Ia'an nantai sia' monjadi sompurna nononyo pado watu inyo samo agatn kito.

Ibrani 12:23

Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

Ibrani 4:10

Somuo urakng inyo mansu' ko dalapm tompat torahat Allah nantai, sia' botongga' monongga'an somuo pogota'an sia', samo sama'an Allah botongga' monongga'an somuo pogota'an-Nyo.

Wahyu 10:6

bosumpah atas damo Sio inyo hidup somanah-manahnyo, Sio inyo mombulah langit huatan somuo isinyo, bumi huatan somuo isinyo, lout huatan somuo isinyo. Kato molekat nantai, “Watunyo co paca'an ditunda' agi'!

Wahyu 13:15

Io pan dionji'i kuaso pakai' mombulah lompatukng nantai monjadi hidup. Jadi, lompatukng bonatakng nantai suba' bopandir huatan mombunuh somuo urakng inyo co monyombahnyo.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.

Wahyu 7:9

Lopas nantai aku moniant, ih, ado kumpulan urakng inyo kotakan banya', kinyo tohitukng jumlahnyo. Sia' doi' sotiap banso, sotiap suku, sotiap negara, sotiap baso. Sia' bodiritn di hadapan tahta ongko di hadapan Ana' Domba. Sia' momakai jubah putih ongko monjujut boko dahatn kayu palem di jari sia'.