Wahyu 4:2 - Porjanjian Boharu Torjomahan Baso Dilakng Soari-ari

² Sopongirap, aku dikuaso'i ulih Roh Allah. Wah, ado sobuah tahta di sorugo. Ado siku' urakng inyo tongahan dudu' di tahta nantai.

Wahyu 4:2 ပူးပေါင်းရင်းမြစ်များ

Matius 22:43

“Aman ubo nian,” kato Yesus, “Hibo Roh Allah bulah Daud moningkau ‘Kristus’ sobagai ‘Tuhatn’? Ni'innam pomandiran Daud:

Ibrani 8:1

Inti doi' somuo inyo sampai dikisahan di si'itan: Kito ado Imam Agukng inyo sama'an dikisahan nantai. Sio dudu' di tompat inyo tohormat di sorugo, di sopia' kanan tahta Allah inyo kotakng bokuaso.

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.

Wahyu 12:5

Botina' nantai molahiran sikuꞌ urakng Ana' lolaki inyo paca'an momorintah somuo banso agatn tungkah bosi. Nago co ulih monolatn-Nyo, obai Ana' nantai lansukng dikuti', dibaba' ko Allah huatan tahta-Nyo.

Wahyu 17:3

Jadi, dalapm poniant'anku inyo dionju' Roh Allah, molekat nantai mombaba' ku ko padakng pasir. Di santai, aku moniant siku' botina' dudu' di pucu' bonatakng inyo bowarna mirah tuho nantai. Dibonatakng nantai banya' tulisan inyo mongutu' Allah. Bonatakng nantai bokopala' tujuh huatan botandu' sopuluh.

Wahyu 19:4

Koduo puluh ompat pomimpitn huatan koompat mahluk nantai lansukng tundu' monyungkapan huatan monyombah Allah inyo dudu' di tahta nantai. Sia' bopandir, “Amin! Haleluya!”

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

Wahyu 21:10

Jadi, Roh Allah monguaso'iku lalu molekat nantai mombaba' aku ko pucu' gunung inyo bosar huatan kotakan tinggi. Sio monunju'an ko aku kota inyo kudus nantai, ia'an Yerusalem inyo boharu. Kota nantai turutn doi' sorugo, doi' Allah.

Wahyu 21:5

Allah inyo dudu' di pucu' tahta nantai bopandir, “Tiatcam! Aku bulah somuo hal monjadi boharu!” Sio pan bopandir ko aku, “Tuliscam ni'inan, obai somuo pomandiran ni'in bondar huatan ulih dipocayo.”

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Wahyu 4:10

koduo puluh ompat pomimpitn nantai tundu' monyungkapan di pohadapan Sio inyo dudu' di tahta nantai. Sia' monyombah Sio inyo hidup somanah-manahnyo. Sia' monikapan mahkota sia' di pohadapan tahta-Nyo kapikng bopandir,

Wahyu 4:5

Ado kilat ongko bunyi guntur solitar inyo koluar doi' tahta di tongah nantai. Di pohadapan tahta nantai ado tujuh obor inyo bonyalo. Nianam kotujuh Roh Allah.

Wahyu 4:9

Sia' momuji, mohormati, moucap sukur ko Sio inyo dudu' di tahta nantai, Sio inyo hidup somanah-manahnyo. Sotiap kali sia' molabuhan nantai,

Wahyu 5:1

Lopas nian aku moniant sobuah gulukan buku di jari kanan Sio inyo dudu' di pucu' tahta nantai. Gulukan nantai ado tulisan di sopia' luar ongko sopia' dalapm, apo ditutup agatn tujuh segel lilitn.

Wahyu 5:13

Lopas nian, aku mondinga' somuo mahluk di sorugo, di bumi, di babah bumi, di lout huatan somuo inyo ado di dalapmnyo, bonyanyi, “Pakai' Sio inyo dudu' di pucu' tahta ongko bagi Ana' Domba, puji, hormat, komulia'an ongko kuaso sampai somanah-manahnyo!”

Wahyu 6:16

Sia' bopandir ko boko gunung ongko boko batu nantai, “Jatu'cam tinggakng koi. Ombakan cam koi doi' Sio inyo dudu' di pucu' tahta. Ombakan cam koi doi' ponggodi Ana' Domba nantai!