Wahyu 4:10 - Porjanjian Boharu Torjomahan Baso Dilakng Soari-ari

¹⁰ koduo puluh ompat pomimpitn nantai tundu' monyungkapan di pohadapan Sio inyo dudu' di tahta nantai. Sia' monyombah Sio inyo hidup somanah-manahnyo. Sia' monikapan mahkota sia' di pohadapan tahta-Nyo kapikng bopandir,

Wahyu 4:10 ပူးပေါင်းရင်းမြစ်များ

Matius 2:11

Sia' mansu' ko dalapm rumah nantai ongko moniant Bobia' nantai bosamo agatn Maria, indai-Nyo. Sia' monyungkapan monyombah Bobia' nantai, ongko mombuka' poti tompat bando barakng sia'. Sia' moonju' boko posombahan ko Sio, ia'an omas, monyan ongko mur.

Lukas 24:52

Sia' tundu' monyombah Sio, lopas nantai sia' pulakng ko Yerusalem agatn hati kotakng rindakng bondar.

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

Wahyu 10:6

bosumpah atas damo Sio inyo hidup somanah-manahnyo, Sio inyo mombulah langit huatan somuo isinyo, bumi huatan somuo isinyo, lout huatan somuo isinyo. Kato molekat nantai, “Watunyo co paca'an ditunda' agi'!

Wahyu 11:16

Koduo puluh ompat pomimpitn inyo dudu' di tahta sia' di hadapan Allah, sia' tundu' monyungkapan monyombah Allah.

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Wahyu 15:7

Siku' doi' koompat mahluk moonju' sotota' mangku' omas ko kotujuh molekat nantai siku'-monyiku'. Kotujuh mangku' nantai boisi agatn ponggodi Allah, Allah inyo hidup somanah-manahnyo.

Wahyu 19:4

Koduo puluh ompat pomimpitn huatan koompat mahluk nantai lansukng tundu' monyungkapan huatan monyombah Allah inyo dudu' di tahta nantai. Sia' bopandir, “Amin! Haleluya!”

Wahyu 4:2

Sopongirap, aku dikuaso'i ulih Roh Allah. Wah, ado sobuah tahta di sorugo. Ado siku' urakng inyo tongahan dudu' di tahta nantai.

Wahyu 4:4

Ado duo puluh ompat tahta bukainyo inyo mongoliliki tahta nantai. Duo puluh ompat pomimpitn dudu' di boko tahta nantai. Sia' bopakaian putih huatan tiap iku' ado mahkota omas di kopala'.

Wahyu 4:9

Sia' momuji, mohormati, moucap sukur ko Sio inyo dudu' di tahta nantai, Sio inyo hidup somanah-manahnyo. Sotiap kali sia' molabuhan nantai,

Wahyu 5:14

Koompat mahluk nantai bopandir, “Amin!” Boko pomimpitn nantai pan tundu' monyungkapan ongko monyombah.

Wahyu 5:8

Pas Sio monguti' gulukan buku nantai, koompat mahluk ongko koduo puluh ompat pomimpitn nantai lansukng tundu' monyungkapan di hadapan Ana' Domba nantai. Sia' siku'-monyiku' monjujut kocapi. Somuo sia' pan ado cangkir omas inyo boisi komonyan. Nantaiam somuo doa urakng inyo pocayo.

Wahyu 7:11

Somuo molekat bodiritn mongoliliki tahta, koompat mahluk, ongko boko pomimpitn nantai. Somuo molekat nantai tundu' monyungkapan di pohadapan tahta nantai, monyombah Allah.