Wahyu 4:1 - Porjanjian Boharu Torjomahan Baso Dilakng Soari-ari

¹ Lopas nantai, aku ado poniant'an agi'. Wah, ado sobuah lawakng tobuka' di sorugo. Aku mondinga' saro nantai inyo samo sobolupmnyo, saro sama'an bunyi trompet. Kato-Nyo ko aku, “Noi' cam kosi'itn. Aku paca'an monunju'an ko kolai boko hal inyo paca'an tojadi lopas ni'in.”

Wahyu 4:1 ပူးပေါင်းရင်းမြစ်များ

Matius 3:16

Lopas jadi dibaptis, Yesus hagar koluar doi' dalapm ara'i. Watu nantai jam, langit tobuka'. Yesus moniant Roh Allah turutn ko Io samo sama'an burukng daro.

Markus 1:10

Lopas jadi dibaptis, Yesus hagar koluar doi' ara'i. Timpu nantai jam, langit tobuka'. Yesus moniant Roh Allah turutn ko pucu'-Nyo samo sama'an burukng daro.

Lukas 3:21

Apo sobolupm Yohanes ditamoan ko dalapm ponjara, banyaꞌ urakng inyo datakng dibaptis. Sama'an nian jam Yesus datakng pakai' dibaptis. Watu Sio tongahan bodoa, langit tobuka',

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

Kisah Boko Rasul 10:11

Io moniant langit tobuka', ongko ado sosuatu sama'an solamba'i koitn inyo kotakan luar. Koitn nantai togantukng di koompat buncunyo, turutn doi' langit.

Kisah Boko Rasul 7:56

Stefanus bopandir, “Tiat! Aku moniant langit tobuka'. Yesus Inyo Diutus Allah Pakai' Monjadi Monsio tongahan bodiritn di tompat inyo palikng tohormat di su'utn.”

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.

Wahyu 1:12

Aku mongilikng pakai' moniant saro inyo bopandir ko aku. Lalu, aku moniant tujuh tihakng tompat molota'an pompolitoan. Kotujuh tihakng pompolitoan nantai dipulah doi' omas.

Wahyu 1:19

Obai nantaiam, tuliscam somuo hal inyo ditiatan ko kolai, ia'an boko hal inyo tojadi watu ni'in ongko boko hal inyo tajahan tojadi nononyo.

Wahyu 11:12

Pas, koduo nabi nantai mondinga' suatu saro inyo borakng doi' sorugo bopandir ko sia', “Huncapm, noi' ko si'itn!” Jadi, kapikng somuo musuh sia' moniant, koduo nabi nantai noi' ko sorugo dalapm awatn.

Wahyu 11:19

Lalu, tobuka'am Rumah Allah di sorugo. Poti Pojanjian Allah ulih ditiat di dalapm Rumah Allah nantai. Lalu, ado solitar, saro guntur inyo borakng, gompa bumi huatan hujatn es inyo lobat.

Wahyu 16:17

Molekat kotujuh monumpahan mangku'nyo ko awakng-awakng. Lalu ado saro borakng doi' dalapm Rumah Allah, doi' tahta nantai. Kato-Nyo, “Somuonyo udah jadiam!”

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 22:6

Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”