Wahyu 3:4 - Porjanjian Boharu Torjomahan Baso Dilakng Soari-ari

⁴ Apo ado boboropo urakng doi' jomaat di Sardis inyo hidup borosih doi' dosa. Sia' bopakaian putih huatan paca'an bojalatn bosamo-samo agatn Aku, obai sia' cucu' pakai' nantai.

Wahyu 3:4 ပူးပေါင်းရင်းမြစ်များ

Wahyu 7:9

Lopas nantai aku moniant, ih, ado kumpulan urakng inyo kotakan banya', kinyo tohitukng jumlahnyo. Sia' doi' sotiap banso, sotiap suku, sotiap negara, sotiap baso. Sia' bodiritn di hadapan tahta ongko di hadapan Ana' Domba. Sia' momakai jubah putih ongko monjujut boko dahatn kayu palem di jari sia'.

Wahyu 3:5

Boko urakng inyo monang paca'an dikona'an pakai'an putih samo sama'an nantai. Aku co paca'an mohapus damo sia' doi' Buku Kohidupan. Aku paca'an moaku'i obai sia' nam umputn-Ku di hadapan Bopai-Ku ongko boko molekat-Nyo.

Wahyu 6:11

Boko urakng inyo dibunuh siku'-monyiku' dionji'i jubah putih. Sia' diboritohu pakai' torahat agatn sabar sotogal agi'. Obai ija' ado boko somadikan inyo molayati Yesus inyo paca'an dibunuh, samo sama'an sia'. Sia' gola' monanti sampai jumlah urakng nantai udah diponuhi.

Wahyu 19:14

Somuo tontara sorugo tuyut Sio monunggakng kuda putih jam. Sia' momakai pakai'an doi' koitn lenan lombut inyo putih borosih.

Wahyu 4:4

Ado duo puluh ompat tahta bukainyo inyo mongoliliki tahta nantai. Duo puluh ompat pomimpitn dudu' di boko tahta nantai. Sia' bopakaian putih huatan tiap iku' ado mahkota omas di kopala'.

Wahyu 3:18

Obai nantai, Aku momadahi kaitn oca' momboli omas doi' Aku, omas inyo udah dimurnian dalapm api. Kaitn gola' molabuhan nantai oca' kaitn bondar-bondar monjadi dampu. Bolicam pakai'an putih doi' Aku oca' kaitn bopakaian, oca' monutupi koadaan kaitn kolanjakng inyo bulah kaitn malu. Bolicam ubat pakai' dipalitan ko mato kaitn oca' kaitn ulih moniant.

Wahyu 19:8

Pongantitn-Nyo dionji'i pakai'an doi' koitn lenan lombut, inyo putih borosih ongko mongkilap!” Koitn lenan nantai monggambaran boko porbuatan boi' inyo dilabuhan boko urakng umant umputn Allah.

Yudas 1:23

Tulukng cam boko urakng nantai oca' sia' ulih disolamant'an doi' api. Apo kaitn gola' monunju'an koboi'an ko sia', apo agatn oso gola' jam. Jangan sampai kaitn jumpat bulah dosa. Bonci' cam pakai'an sia' inyo dikotori boko kohonda' dosa.

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Markus 16:5

Lalu, sia' mansu' ko dalapm pasaran nantai. Timpu nantai, sia' moniant siku' urakng bujakng inyo momakai jubah putih dudu' di sopia' kanan. Sia' kotakan tokonyant.

Lukas 20:35

Apo urakng inyo udah dipilih Allah, sia' paca'an hidup di sorugo. Sia' kinyo tajahan kawitn agi'.

Matius 10:11

Timpu kaitn mansu' ko sotiap kota ongko laman, goyapcam siku' urakng inyo honda' monorima' kaitn. Bodiapmcam agatn io sampai kaitn botula' agi'.

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

2 Tesalonika 1:5

Nantaiam butinyo obai Allah moadili monsio agatn adil. Kaitn dianggap cucu' monjadi warga Koraja'an Allah. Nianam alasan kaitn ajab sonsaro obai kaitn hidup di Koraja'an Allah nantai.

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.