Wahyu 3:3 - Porjanjian Boharu Torjomahan Baso Dilakng Soari-ari

³ Jadi, ingantcam ajaran inyo kaitn dinga' ongko torima' komai. Taat'icam nantai. Tongga'ancam kaitn bulah boko dosa lalu hidup monyonangan hati Allah. Aman kaitn co bojojago, Aku paca'an datakng mohukupm kaitn. Kaitn nononyo co kalo mongotohu'i sombilo watunyo Aku datakng samo sama'an siku' urakng pongolit.

Wahyu 3:3 ပူးပေါင်းရင်းမြစ်များ

Matius 25:13

Ubo nian jam paca'an tojadi agatn boko urakng inyo kinyo siap watu Aku datakng agi'. Obai nantai, bojago-jagocam, obai kaitn co tohu ari damo japmnyo.”

Markus 13:33

“Kaitn gola' bojago-jago! Obai, kaitn kinyo tohu sombilo watunyo.

1 Timotius 6:20

Timotius, jagocam somuo inyo Allah onju' ko kolai. Jangan mondinga'an boko urakng inyo bopandir mongona'i boko hal inyo kinyo boonsu'an, boko hal inyo kinyo mohormati Allah. Jangan mondinga'an boko urakng inyo mongatoan obai sia' ado ‘pongotohuan’. Apo, sobondarnyo sia' molawatn ajaran inyo bondar.

2 Timotius 1:13

Ajaran doi' aku ko kolai ia'an contoh ajaran inyo bondar. Jumpati cam ajaran nantai agatn totap hala pocayo ko Yesus huatan mongasihi urakng bukai di dalapm Kristus Yesus.

Ibrani 2:1

Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.

2 Petrus 1:13

Aku mooso nantai tugasku pakai' moingant'an kaitn mongona'i boko hal nantai somanahan ku ija' hidup di dunia ni'in.

2 Petrus 3:1

Boko somadikan inyo ku kasihi, ni'in udah surat inyo koduo, inyo ku tulis ko kaitn. Di dalapm koduo surat nantai, aku bousaha monyadaran kaitn pakai' bopikir agatn caro inyo bondar.

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.

Wahyu 16:15

Boko roh jahat mongumpulan sia' di sobuah tompat. Dalapm baso Ibrani tompat nantai disobut Harmagedon. Apo Tuhatn bopandir, “Pondinga'ancam! Aku datakng samo sama'an urakng pongolit. Sonang-nyamancam urakng inyo hala siap huatan borotian pakai'annyo, oca' io co bojalatn agatn kolanjakng lalu monjadi malu di muka' umum.”

Wahyu 2:25

Apo pas Aku datakng nononyo, honda'nyo kaitn totap moikuti la'apo inyo udah umputn kaitn.

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.

Wahyu 22:7

Yesus bopandir, “Porotiancam! Aku paca'an oca' mo datakng. Sonang-nyamancam somuo urakng inyo monuruti boko posatn doi' Allah dalapm buku ni'in!”

Wahyu 3:11

Aku paca'an oca'mo datakng! Totap sotia pocayo ko aku oca' co nyiant ado urakng inyo ulih morampas hadiah komonangan kaitn.

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.

Wahyu 3:2

Jadi sadarcam! Kuatancam kopocaya'an kaitn inyo hampir mati. Obai, Aku mongotohu'i boko porbuatan kaitn kinyo sonunuh di hadapan Allah-Ku.