Wahyu 3:15 - Porjanjian Boharu Torjomahan Baso Dilakng Soari-ari

¹⁵ Aku tohu somuo inyo kaitn pulah. Kaitn co dingin co hangant. Soharusnyo kaitn dingin kata'an hangant!

Wahyu 3:15 ပူးပေါင်းရင်းမြစ်များ

Roma 12:11

Jangan losa' apo gola' hala bosomangant bokorojo molayati Tuhatn.

Matius 6:24

“Co mungkitn siku' urakng hulutn bokorojo pakai' duo urakng habakng. Aman io molabuhan hal nantai, io bayo paca'an mongasihi salah siku' habakngnyo apo bonci' agatn inyo siku'nyo. Io bayo paca'an sotia ko siku' habakng, apo kinyo sotia agatn inyo siku'nyo. Ubo nian jam agatn kaitn. Co mungkitn kaitn monjadi hulutn Allah huatan co mungkitn monjadi hulutn kodampuan kaitn.”

Wahyu 2:4

Apo, Aku moolikan kaitn mongona'i hal ni'in: Kaitn conyiant ado kasih agi' sama'an komai watu kaitn hoyu' pocayo ko aku.

Matius 24:12

Obai kojahatan mongkitn botambah, lalu banya' urakng co paca'an mongasihi agi'.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

Filipi 1:9

Ninam doaku pakai' kaitn: Mudahan kaitn mongkitn mongasihi Allah ongko urakng bukai ongko mongkitn mongotohu'i ongko mongoroti lapo inyo bondar

2 Korintus 12:20

Obai aku bogonang watu ku datakng nononyo, kolaku'an kaitn kinyo boi' sama'an inyo ku kohonda'i. Ubo nian jam, aku gola' monogur kaitn, tindakanku kinyo samo agatn kohonda' kaitn. Aku kuatir kaitn hala botikakng-bokolohi, tungi, ponggodian, molajuan kohonda' diri siku', monjahai'an urakng bukai, mohahadu, buhau, bulah kokacauan.

Matius 10:37

Sotiap urakng inyo mongasihi Bopai damo indainyo lobih daripado Aku, io kinyo cucu' monjadi pongikut-Ku. Ubo nian jam, sotiap urakng inyo mongasihi ana'nyo lolaki damo botina' lobih daripado Aku, io kinyo cucu' monjadi pongikut-Ku.

Wahyu 3:1

“Tuliscam pomandiran ni'in ko molekat inyo monjago jomaat di Sardis: Pomandiran ni'in doi' Sio, inyo umputn kotujuh roh ongko kotujuh bintakng nantai. Aku tohu caro hidup kaitn. Uji urakng tai hidup kaitnbohubukan dampikng agatn Allah. Padohal, sobondarnyo kaitn topisah doi' Allah, kaitn samo sama'an udah mati.

Wahyu 2:2

Aku tohu somuo inyo kaitn labuhan, ia'an kaitn bojuakng, kaitn botahatn mohadapi ajab sonsaro. Aku tohu obai kaitn molawatn boko urakng jahat. Kaitn udah mouji boko urakng inyo mongaku' dirinyo rasul, padohal bukainyo. Kaitn udah sadar sia' tumbukan.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

Wahyu 3:16

Apo kaitn kosodakannyo mo, co dingin co hangant. Obai nantaiam, Aku paca'an momutahan kaitn doi' nyao-Ku.