Wahyu 3:14 - Porjanjian Boharu Torjomahan Baso Dilakng Soari-ari

¹⁴ “Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.

Wahyu 3:14 ပူးပေါင်းရင်းမြစ်များ

Yohanes 1:3

Allah mombulah somuo la'apo pan molalu'i Sio. Conyiant Sio, conyiant ado la'apo pan inyo ulih dipulah.

Yohanes 8:14

Yesus monimbasi sia'. Kato-Nyo, “Biar pan Aku bosasi mongona'i diri-Ku sikuꞌ, kosasian-Ku totap bondar. Obai, Aku tohu doi' mono Aku datakng huatan ko mono Aku botula'. Apo kaitn co tohu doi' mono Aku datakng huatan ko mono Aku botula'.

Kolose 1:15

Yesus Kristus nantai rupo Allah. Biar pan monsio kinyo moniant Allah, apo monsio ulih mongonal Sio molalu'i Yesus Kristus. Kristus inyo palikng bokuaso di pucu' somuo inyo dipulah-Nyo.

Kolose 1:18

Sio nantai kopala' bukakng-tubuh-Nyo, ia'an somuo urakng inyo pocayo ko Sio. Sio nantai puku' kohidupan boharu inyo dionji'i ko sia' nantai. Sio monjadi urakng potamo inyo bobali' hidup doi' komatian. Ongko, Sio siku' monjadi inyo palikng pontikng doi' somuo hal.

Kolose 2:1

Aku honda' oca' kaitn mongotohu'i obai aku bousaha koras pakai' kaitn, huatan pakai' sia' inyo di kota Laodikia, huatan pakai' urakng bukai inyo bolupm kalo botomu aku.

Kolose 4:16

Lopas surat ni'in dibacoan ko kaitn somuo, lalu lajuan dibacoan jam ko boko urakng pocayo di Laodikia. Ubo nian jam, surat inyo ku kiripm ko boko urakng pocayo di Laodikia dibacoan pakai' kaitn.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 2:1

“Tuliscam pomandiran ni'in ko molekat inyo monjago jomaat di Efesus: Pomandiran ni'in doi' Sio, inyo monjujut kotujuh bintakng nantai di jari kanan-Nyo; doi' Sio inyo bojalatn di sapat kotujuh tihakng tompat molota'an pompolitoan nantai inyo dipulah doi' omas.

Wahyu 21:6

Sio pan bopandir ko aku, “Somuonyo udah jadiam! Aku ninam Alpa ongko Omega, inyo Potamo huatan inyo Toahir. Somuo urakng inyo korahakan, Aku paca'an moonji'i modas ko sia' minum doi' mato ara'i inyo moonji'i kohidupan.

Wahyu 22:13

Aku ninam Alpa ongko Omega, inyo Potamo ongko inyo Toahir, inyo ada'an doi' mulo watu dunia dipulah sampai dunia lonyap.”

Wahyu 22:6

Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.