Wahyu 22:8 - Porjanjian Boharu Torjomahan Baso Dilakng Soari-ari

⁸ Aku, Yohanes, udah mondinga' huatan moniant somuonyo nantai. Lopas jadi aku mondinga' huatan moniantnyo, aku lansukng tokosungkapm di pohadapan kaki molekat inyo udah monunju'an somuonyo nantai ko aku. Aku bomasud pakai' monyombah io.

Wahyu 22:8 ပူးပေါင်းရင်းမြစ်များ

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.

Wahyu 19:19

Lalu, aku moniant bonatakng nantai, boko rajo di bumi huatan boko tontara sia' bokumpul. Sia' somuo bokumpul pakai' boparakng molawatn Urakng inyo monunggakng kuda nantai huatan tontara-Nyo.

Kisah Boko Rasul 10:26

Apo Petrus moncanggapm Kornelius, monari' io bodiritn. Petrus bopandir, “Bodiritn cam. Jangan monyombah aku. Aku pan bayo monsio, samo sama'an duatn.”

Wahyu 1:4

Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.