Wahyu 22:6 - Porjanjian Boharu Torjomahan Baso Dilakng Soari-ari

⁶ Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”

Wahyu 22:6 ပူးပေါင်းရင်းမြစ်များ

Matius 13:41

Ana' Monsio paca'an monyiuh boko molekat-Nyo. Sia' paca'an mongumpulan somuo hal inyo monyobab'an monsio bulah dosa ongko boko urakng inyo molabuhan kojahatan. Boko molekat nantai paca'an mongoluaran somuo inyo jahat nantai doi' Koraja'an-Nyo,

Lukas 1:70

Topat ubo inyo dijanjian Allah. Janji inyo disampaian boko nabi pilihan Allah.

Lukas 16:16

Komai urakng bolajar kohonda' Allah doi' boko buku porintah huatan poraturan Allah inyo ditulis Musa dalapm Hukupm Torat. Boko urakng pan bolajar doi' boko buku inyo ditulis boko nabi. Apo, doi' ija' Yohanes Pombaptis mo, borito boi' mongonaꞌi Koraja'an Allah diboritoan, Rajo Inyo Dijanjian Allah udah datakng. Sotiap urakng bousaha koras pakai' mansu' ko dalapm Korajaan-Nyo.

Kisah Boko Rasul 12:11

Watu nantai jam, Petrus monjadi sadar la'apo inyo udah tojadi. Katonyo, “Ni'inan aku tohu ni'in bondar-bondar tojadi. Tuhatn Allah udah mongiripm molekat-Nyo ko aku. Sio monyolamant'an aku doi' kuaso Herodes. Herodes honda' mohukupm mati aku. Boko pomimpitn Yahudi pan mongohonda'i hal nantai paca'an tojadi. Apo Tuhatn Allah monyolamant'an aku doi' somuonyo nantai.”

Kisah Boko Rasul 3:18

Apo agatn caro nantai, Allah monopat'i pomandiran-Nyo inyo udah disampaian ko boko nabi watu joman komai. Boko nabi nantai udah monulis obai Rajo Inyo Dijanjian Allah nantai gola' ajab sonsaro sampai mati.

Roma 1:2

Timpu joman komai, Allah udah bojanji mongona'i Kabar Boi' nantai molalu'i boko nabi-Nyo ongko udah totulis di dalapm Buku Suci.

1 Korintus 14:32

Poraturan ni'in ulih dituruti somuo urakng inyo bisi komampuan pakai' monyampaian posatn-pontal doi' Allah. Obai komampuan nantai ulih dikondalian.

1 Korintus 7:29

Boko somadikan, masudku ubo ni'in: Co manah agi' watu ni'in paca'an boahir. Obai nantai, mula'i doi' ni'in sotiap urakng inyo bobini gola' bolaku ubo urakng kinyo bobini.

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

Ibrani 12:9

Porotian jam, bopai kito di dunia ni'in momantu kito ongko kito morogo'i sia'. Aman sama'an nian, kito gola' lobih agi' ‘tundu'’ ko Bopai kito di sorugo oca' kito ulih bondar-bondar hidup.

2 Petrus 1:21

Obai, boko nabi co kalo monyampaian pomandiran obai kohonda' sia'. Sia' monyampaian Pomandiran Allah obai Roh Allah ado di dalapm diri sia'.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”

Wahyu 21:5

Allah inyo dudu' di pucu' tahta nantai bopandir, “Tiatcam! Aku bulah somuo hal monjadi boharu!” Sio pan bopandir ko aku, “Tuliscam ni'inan, obai somuo pomandiran ni'in bondar huatan ulih dipocayo.”

Wahyu 21:9

Lopas nian, ado salah siku' doi' kotujuh molekat inyo monjujut mangku' inyo bisi agatn kotujuh malopotako toahir nantai. Sio datakng ko aku, lalu bopandir, “Mara! Aku paca'an monunju'an ko kolai Pongantitn Botina', bini Ana' Domba.”

Wahyu 22:1

Lalu, molekat nantai monunju'an ko aku sungai inyo ara'inyo moonji'i kohidupan. Sungai nantai joronih bondar tontu sama'an kristal, huatan mongalir doi' tahta Allah ongko doi' Ana' Domba nantai.

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”

Wahyu 22:7

Yesus bopandir, “Porotiancam! Aku paca'an oca' mo datakng. Sonang-nyamancam somuo urakng inyo monuruti boko posatn doi' Allah dalapm buku ni'in!”

Wahyu 4:1

Lopas nantai, aku ado poniant'an agi'. Wah, ado sobuah lawakng tobuka' di sorugo. Aku mondinga' saro nantai inyo samo sobolupmnyo, saro sama'an bunyi trompet. Kato-Nyo ko aku, “Noi' cam kosi'itn. Aku paca'an monunju'an ko kolai boko hal inyo paca'an tojadi lopas ni'in.”