Wahyu 22:16 - Porjanjian Boharu Torjomahan Baso Dilakng Soari-ari

¹⁶ Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”

Wahyu 22:16 ပူးပေါင်းရင်းမြစ်များ

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Matius 2:2

Sia' botakutn ko boko urakng di su'utn. Kato sia', “Koi moniant sobuti' bintakng inyo timbul di doerah Timur. Koi mongotohu'i bintakng nantai ia'an tando obai ado bobia' hoyu' lahir inyo paca'an monjadi Rajo urakng Yahudi. Di mono kiro bobia' nantai? Obai, koi datakng honda' monyombah Sio.”

Matius 22:42

“Pikirancam mongona'i Rajo Inyo Dijanjian Allah inyo disobut ‘Kristus’. Doi' Koturutan sopo kironyo Sio?” Timbas sia', “Kristus ia'an koturutan doi' Rajo Daud.”

Matius 22:45

Jadi, Daud monyobut Kristus sobagai ‘Tuhatn’. Obai nantaiam, pasti Kristus lobih bokuaso doi' koturutan Daud inyo biaso.”

Lukas 1:78

Somuonyo nian tajahan tojadi obai Allah kito onsi' ongko kotakng kasih. Urakng inyo bolupm mongonal Allah, samo sama'an urakng inyo tongahan di dalapm potakng, inyo mooso gola' agatn pomati Apo samo samaꞌan matoari hoyu' moncara' ongko monoraki potakng nantai, Rajo Inyo Dijanjian Allah datakng doi' sorugo monjolasan caro hidup inyo monyonangan hati Allah. Moarahan kito oca' hidup agatn damai.”

Lukas 20:44

Dalapm tulisan nantai, Daud moningkau Rajo Inyo Dijanjian Allah sobagai ‘Tuhatn’. Jadi, Sio pasti lobih bokuaso daripado koturutan Daud inyo biaso.”

Roma 15:12

Solaitn nantai jam, joman komai nabi Yesaya bopandir: “Ado Urakng doi' koturutan Isai inyo tajahan datakng. Sio tajahan momorintah boko banso bukainyo banso Yahudi. Sia' tajahan boharap ko Sio.”

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

2 Petrus 1:19

Obai nantai, koi monjadi lobih yakitn agi' obai pomandiran boko nabi mongona'i Kristus bondar. Soboi'nyo kaitn pan gola' mondinga'an pomandiran boko nabi. Pomandiran nantai paca'an mombimbikng kaitn ko jalatn inyo bondar samo sama'an cohayo pompolitoan di tompat inyo potakng, sampai matoari moncara' ongko bintakng timur, ia'an Kristus, bosinar dalapm hati kaitn.

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:4

Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.

Wahyu 2:11

Sopo pan inyo ulih mondinga', kohonda'nyo io borotian somuo pomandiran Roh Allah ko boko jomaat. Boko urakng inyo monang co paca'an sonsaro komatian koduo, ia'an nantai hukupan somanah-manahnyo.”

Wahyu 2:17

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moonju' doi' pomakatn bodamoan manna inyo kinyo kotohuan di mono tompatnyo. Aku pan paca'an moonji'i sobuah batu putih ko sia' siku'-monyiku'. Di batu nantai totulis damo boharu, inyo kinyo dikotohu'i urakng bukai. Bayo urakng inyo monorima' batu nantaiam paca'an mongotohu'i damo nantai.”

Wahyu 2:7

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moijitan sia' makatn doi' kayu inyo moonji'i kohidupan inyo ado di kobutn Allah.”

Wahyu 22:1

Lalu, molekat nantai monunju'an ko aku sungai inyo ara'inyo moonji'i kohidupan. Sungai nantai joronih bondar tontu sama'an kristal, huatan mongalir doi' tahta Allah ongko doi' Ana' Domba nantai.

Wahyu 22:11

Oca' urakng inyo jahat hala bulah kojahatan. Oca' urakng inyo bodosa, hala bulah hal inyo buru'. Apo oca' urakng inyo hidup bondar di hadapan Allah, hala bulah inyo bondar. Oca' urakng inyo hidup kudus, torus hidup agatn caro inyo kudus.”

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Wahyu 22:6

Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”

Wahyu 3:13

Sopo pan inyo ulih mondinga', kohonda'nyo io momporhatian somuo pandir Roh Allah ko jomaat.”

Wahyu 3:22

Sopo pan inyo ulih mondinga', kohonda'nyo io momporhatian somuo pomandiran Roh Allah ko jomaat.”

Wahyu 3:6

Sopo pan inyo ulih mondinga', kohonda'nyo io borotian somuo pomandiran Roh Allah ko jomaat.”

Wahyu 5:5

Apo salah siku' doi' koduo puluh ompat pomimpitn nantai bopandir ko aku, “Jangan monangis! Porotian! Ado Urakng inyo bokuaso inyo disobut Singa doi' suku Yehuda. Sio nam Koturutan doi' Rajo Daud. Sio udah monang. Jadi, Sio inyo cucu' molopasan kotujuh segel lalu mombuka' gulukan Buku nantai!”