Wahyu 22:14 - Porjanjian Boharu Torjomahan Baso Dilakng Soari-ari

¹⁴ Sonang nyamanam cam somuo urakng inyo monopasi jubah sia'. Sia' paca'an dapat hak pakai' bopua' buah doi' kayu inyo moonji'i kohidupan. Sia' paca'an ulih mansu' ko dalapm kota nantai molalu'i boko pintu gerbakngnyo.

Wahyu 22:14 ပူးပေါင်းရင်းမြစ်များ

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.

1 Yohanes 5:3

Obai, aman kito mongasihi Allah rotinyo kito pan paca'an monuruti boko porintah-Nyo. Boko porintah-Nyo kinyo borat pakai' kito,

Wahyu 22:7

Yesus bopandir, “Porotiancam! Aku paca'an oca' mo datakng. Sonang-nyamancam somuo urakng inyo monuruti boko posatn doi' Allah dalapm buku ni'in!”

1 Yohanes 3:3

Somuo urakng inyo yakitn moharapan obai Sio paca'an mombulah nantai tojadi, sia' monjago diri oca' co bulah dosa samo sama'an Sio co bulah dosa.

Yohanes 14:15

“Aman kaitn mongasihi Aku, kaitn paca'an monaati boko porintah-Ku.

Wahyu 2:7

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moijitan sia' makatn doi' kayu inyo moonji'i kohidupan inyo ado di kobutn Allah.”

1 Korintus 7:19

Obai, aman kito disunant damo kinyo disunant, nantai kinyo pontikng. Inyo pontikng kito monaati boko porintah Allah.

Wahyu 22:2

Di tongah-tongah jalatn kota nantai, ia'an di soborakng-nyoborakng sungai nantai, ado kayu sumber kohidupan. Kayu nantai bobuah duo bolas kali sotohutn, ia'an sokali sobulatn. Boko doutn doi' kayu nantai digunoan pakai' monyamani boko banso.

Yohanes 10:7

Obai nantai Yesus bopandir agi', “Pondinga'an bobondarcam inyo Ku pandiran ni'in: Aku ninam samo agatn lawakng kandakan pakai' domba nantai.

Yohanes 10:9

Aku ninam lawakngnyo. Sotiap urakng inyo mansu' molalu'i Aku, io paca'an solamant. Io paca'an koluar-mansu', monomuan padakng rumput.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Wahyu 21:12

Ado dindikng bosar huatan tinggi inyo mongoliliki kota nantai. Ado duo bolas pintu gerbakng di dindikngnyo, tigo di sopia' timur, tigo di sopia' utara, tigo di sopia' solatatn, tigo di sopia' barat. Ado jam duo bolas molekat, siku' di sotiap pintu gerbakng nantai. Di sotiap pintu gerbakng totulis damo doi' koduo bolas suku banso Israel.

1 Korintus 9:5

Rasul Petrus, boko somadikan Tuhatn Yesus, huatan boko rasul bukai mombaba' bini sia' inyo pocayo dalapm pojalatan polayatan sia'. Tontunyo koi pan bohak molabuhan nantai!

1 Korintus 8:9

Jadi, kaitn memang bebas aman honda' makatn. Apo, ingant agatn kaitn co bulah sia' inyo kurakng yakitn nantai molabuhan kosalahan.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 4:12

Angki-bayatn koi, Yakub, moonju' sumur ni'in ko koi. Timpu joman komai sio, boko poana'annyo, huatan boko hayapm-inguannyo pan minum ara'i doi' sumur ninam. Hibo Bopai bopikir, Bopai lobih pontikng doi' Yakub?”