Wahyu 22:11 - Porjanjian Boharu Torjomahan Baso Dilakng Soari-ari

¹¹ Oca' urakng inyo jahat hala bulah kojahatan. Oca' urakng inyo bodosa, hala bulah hal inyo buru'. Apo oca' urakng inyo hidup bondar di hadapan Allah, hala bulah inyo bondar. Oca' urakng inyo hidup kudus, torus hidup agatn caro inyo kudus.”

Wahyu 22:11 ပူးပေါင်းရင်းမြစ်များ

Matius 15:14

Jadi, jangan bodulian sia'. Sia' samo sama'an urakng buto inyo moirikan urakng buto. Aman siku' urakng buto moncubo moirikan urakng buto bukainyo, pasti kododuonyo paca'an jatu' ko dalapm parit.”

Matius 21:19

Di pinggir jalatn, Sio moniant sokayu' kayu ara. Jadi, Sio mohampiki kayu nantai, apo co nyiant sobigi' pan buah kayu nantai. Ongkah ado doutnnyo am. Kato-Nyo ko kayu nantai, “Kolai paca'an co kalo bobuah agi'.” Lansukng kayu nantai mungguram.

Matius 25:10

Lalu boko botina' daro inyo budu nantai botula' momboli minya'. Apo, tongahan sia' bojalatn, pongantitn lolaki nantai datakam. Kolima' botina' inyo udah siap ulih mansu' ko pogai kawitn nantai bosamo-samo agatn pongantitn lolaki. Lalu, lawakng ditutupam.

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Yohanes 8:21

Yesus bopandir agi' ko sia', “Aku paca'an botula'. Kaitn paca'an monggoyapi Aku, apo kaitn paca'an mati di dalapm dosa kaitn. Culih kaitn datakng ko tompat Aku botula' nantai.”

Efesus 5:27

Agatn sama'an nantai, Kristus mombulah oca' sia' ulih bodiritn di hadapan-Nyo sobagai jomaat inyo mulia, kinyo bodosa, kinyo ado kosalahan la'apo pan. Sia' bondar-bondar monjadi borosih huatan kinyo ulih disalahan.

Kolose 1:22

Apo agatn komatian Kristus Allah udah bulah kaitn bokoboi'an agi' agatn Sio. Sio molabuhan nantai oca' nono, timpu kaitn mohadapi Sio pakai' dihakipi, kaitn co ulih disalahan. Sio paca'an moanggap kaitn borosih, co bodosa.

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.

Wahyu 16:21

Hujatn es bosar jatu' doi' langit moninggakng monsio. Sotiap batu es nantai hampir lima' puluh kilu. Jadi, monsio mongutu' Allah obai malopotako hujatn es nantai kotakan nontu.

Wahyu 22:3

Di dalapm kota nantai, co nyiant inyo kona' tulahdoi' Allah. Tahta Allah agatn Ana' Domba nantai paca'an ada'an di dalapm kota nantai. Boko urakng inyo molayati Sio paca'an monyombah-Nyo,