Wahyu 21:8 - Porjanjian Boharu Torjomahan Baso Dilakng Soari-ari

⁸ Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 21:8 ပူးပေါင်းရင်းမြစ်များ

Matius 10:28

Jangan gola' agatn sia' inyo bayo ulih mombunuh kaitn. Sia' kinyo bokuaso mombunuh jiwa kaitn. Apo kaitn harus gola' agatn Allah. Obai, Sio bokuaso mombonasoan jiwa ongko bukakng-tubuh kaitn di dalapm noraka!

Matius 25:25

Obai nian, aku gola'. Aku botula' moombakan duit duatn nantai di dalapm tanah. Tiat, ni'in duit duatn.’

Matius 8:26

Kato Yesus ko sia', “Kaitn inyo kurakng pocayo, kaitn jangan gola'.” Lalu Yesus bodiritn ongko monyiuh bonakau huatan danau nantai botongga'. Ongko, lansukng danau nantai monjadi diapm.

Markus 9:44

Di su'utn api kinyo tohu-buta', huatan hulat kinyo tohu mati.]

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

2 Tesalonika 2:9

Apo sobolupm Yesus bobali', Rajo inyo kotakng jahat nantai paca'an datakng agatn kuaso Rajo Sitatn. Io paca'an molabuhan somuo macapm mujisat inyo palsu huatan boko tando inyo palsu.

1 Timotius 4:2

Boko urakng inyo mongajar boko ajaran nantai sobondarnyo sia' nantai boko urakng tumbukan, co nyiant hati sia'.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Ibrani 12:24

Kaitn datakng mohadap Yesus inyo monjadi Porontaro inyo moadoan pojanjian boharu inyo Allah pulah agatn monsio, ongko ko darah-Nyo inyo momborosihi kaitn doi' dosa. Darah nantai bopandir mongona'i lou' inyo lobih boi' daripado darah Habel.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

1 Yohanes 2:22

Sopo kironyo urakng inyo tumbukan nantai? Io nam urakng inyo bopandir obai Yesus bukainyo Rajo Inyo Dijanjian Allah, ia'an Kristus. Urakng inyo bopandir nantaiam musuh Kristus. Io monula' Allah Bopai huatan Yesus Kristus, Ana'-Nyo.

1 Yohanes 3:15

Urakng inyo bonci'an somadikannyo samo agatn pombunuh. Kaitn tohu obai somuo urakng inyo mombunuh kinyo mondapat'an hidup kokal.

1 Yohanes 5:10

Urakng inyo pocayo ko Ana' Allah, boroti io pocayo agatn kosasian Allah nantai dalapm hatinyo. Apo urakng inyo co pocayo agatn kosasian nantai, boroti io moanggap Allah bulah kotumbukan. Obai, io kinyo pocayo agatn kosasian Allah mongona'i Ana'-Nyo.

Wahyu 14:10

somuo urakng nantai paca'an dihukupm borat kinyo kurakng. Samo sama'an sia' minum anggur inyo molambakan ponggodi Allah. Anggur nantai kotakng koras, co dicampur agatn ara'i dalapm cangkir Allah. Sia' paca'an disiksa dalapm api huatan bolerang di pohadapan mato boko molekat Allah huatan di pohadapan mato Ana' Domba.

Wahyu 19:20

Bonatakng nantai ditangkap bosamo-samo agatn nabi palsu nantai, ia'an io inyo bulah boko mujisat nantai di hadapan mato bonatakng nantai. Agatn boko mujisat nantai, io monipu boko urakng inyo ado tando bonatakng nantai, boko urakng inyo monyombah lompatukng bonatakng nantai. Jadi, bonatakng huatan nabi palsu nantai dibuakan hidup-hidup ko dalapm loutan api inyo tongahan bonyalo agatn bolerang.

Wahyu 2:11

Sopo pan inyo ulih mondinga', kohonda'nyo io borotian somuo pomandiran Roh Allah ko boko jomaat. Boko urakng inyo monang co paca'an sonsaro komatian koduo, ia'an nantai hukupan somanah-manahnyo.”

Wahyu 2:2

Aku tohu somuo inyo kaitn labuhan, ia'an kaitn bojuakng, kaitn botahatn mohadapi ajab sonsaro. Aku tohu obai kaitn molawatn boko urakng jahat. Kaitn udah mouji boko urakng inyo mongaku' dirinyo rasul, padohal bukainyo. Kaitn udah sadar sia' tumbukan.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.

Wahyu 22:15

Apo somuo urakng bukai paca'an tinggal di luar. Ia'an somuo urakng inyo jahat samo sama'an kudu', boko tukakng sihir, boko urakng inyo bodosa bomporajoan, boko urakng inyo mombunuh, boko urakng inyo monyombah lompatukng, boko urakng inyo gala' bulah kotumbukan huatan molabuhannyo.

Wahyu 9:17

Aku moniant boko kuda nantai dalapm poniant'anku. Aku pan moniant boko urakng inyo monunggakngnyo. Sia' momakai baju bosi inyo bowarna mirah sama'an api, biru sama'an batu nilam, huatan kuning sama'an bolerang. Boko kuda nantai bokopala' sama'an kopala' singa. Ado api, ansap huatan bolerang inyo koluar doi' nyao boko kuda nantai.

Wahyu 9:21

Sia' pan co honda' moninggalan boko dosa sia' inyo bukai, ia'an mombunuh, momakai ilmu sihir, bulah dosa bomporajoan, huatan mongolit.