Wahyu 21:6 - Porjanjian Boharu Torjomahan Baso Dilakng Soari-ari

⁶ Sio pan bopandir ko aku, “Somuonyo udah jadiam! Aku ninam Alpa ongko Omega, inyo Potamo huatan inyo Toahir. Somuo urakng inyo korahakan, Aku paca'an moonji'i modas ko sia' minum doi' mato ara'i inyo moonji'i kohidupan.

Wahyu 21:6 ပူးပေါင်းရင်းမြစ်များ

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Roma 3:24

Apo Allah udah monunju'an koboi'an-Nyo ko monsio. Sio mombulah caronyo oca' urakng ulih monjadi bondar di hadapan-Nyo, nyiant usaha doi' sia'. Kristus Yesus inyo mombayar pakai' mombebasan sia' doi' hukupan dosa.

Wahyu 22:13

Aku ninam Alpa ongko Omega, inyo Potamo ongko inyo Toahir, inyo ada'an doi' mulo watu dunia dipulah sampai dunia lonyap.”

Wahyu 16:17

Molekat kotujuh monumpahan mangku'nyo ko awakng-awakng. Lalu ado saro borakng doi' dalapm Rumah Allah, doi' tahta nantai. Kato-Nyo, “Somuonyo udah jadiam!”

Wahyu 1:17

Pas aku moniant-Nyo, aku lansukng tokosungkapm di hadapan kaki-Nyo sama'an urakng mati. Apo Sio molota'an longan kanan-Nyo ko aku. Kato-Nyo, “Jangan gola'! Aku ninam inyo Potamo ongko inyo toahir,

1 Korintus 2:12

Jadi, kito kinyo monorima' roh inyo boasal doi' dunia ni'in. Molaitan kito monorima' Roh Allah. Agatn sama'an nian, kito ulih mongoroti somuo koboi'an inyo dionju' Allah ko kito.

Wahyu 10:6

bosumpah atas damo Sio inyo hidup somanah-manahnyo, Sio inyo mombulah langit huatan somuo isinyo, bumi huatan somuo isinyo, lout huatan somuo isinyo. Kato molekat nantai, “Watunyo co paca'an ditunda' agi'!

1 Korintus 3:12

Lopas nian, ado boko urakng mombangun ajaran dipucu' pondasi nantai. Ado inyo monggunoan omas, pira', huatan batu borogo, ado jam inyo monggunoan kayu, rumput, ongko kompilai

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

1 Korintus 3:21

Obai nantai, jangan hala bopangkakng sobagai urakng doi' kolompok aku, damo Apolos damo Petrus. Obai somuonyo umputn kaitn! Dunia umputn kaitn. Aman kaitn hidup damo mati, boko hal inyo tojadi ni'in damo nononyo, somuonyo umputn kaitn!

1 Korintus 3:5

Porotiancam! Apobai Apolos pontikng? cado! Apobai Paulus pontikng? cado jam! Koi duo cumo polayatn dibabah kuaso Tuhatn pakai' monulukng kaitn pocayo ko Sio. Koi ongkah molabuhan pokoroja'an inyo Tuhatn onju' ko koi siku'-monyiku'.

Yohanes 4:11

Kato botina' nantai, “Bopai, Duatn co nyiant ado poncou'an. Sumur ni'in kotakan dalapm. Doi' mono Duatn dapat ara'i, kohidupan nantai?

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.