Wahyu 21:5 - Porjanjian Boharu Torjomahan Baso Dilakng Soari-ari

⁵ Allah inyo dudu' di pucu' tahta nantai bopandir, “Tiatcam! Aku bulah somuo hal monjadi boharu!” Sio pan bopandir ko aku, “Tuliscam ni'inan, obai somuo pomandiran ni'in bondar huatan ulih dipocayo.”

Wahyu 21:5 ပူးပေါင်းရင်းမြစ်များ

Lukas 5:38

Anggur inyo boharu gola' disimpatn ko dalapm kantong inyo boharu jam.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Ibrani 12:27

Pomandiran ‘sokali agi'’ monunju'an obai soluruh dunia inyo udah dipulah tajahan diguncakng sampai lolo. Agatn sama'an nian, tajahan tinggal bayo boko hal inyo kinyo ulih toguncakng.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:19

Obai nantaiam, tuliscam somuo hal inyo ditiatan ko kolai, ia'an boko hal inyo tojadi watu ni'in ongko boko hal inyo tajahan tojadi nononyo.

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

Wahyu 22:19

Ubo nian jam aman ado urakng inyo monguraki suti' pan boko posatn doi' Allah dalapm buku ni'in. Jadi, Allah paca'an monguti' doi' io somuo borokat inyo totulis dalapm buku ni'in. Ia'an nantai Allah paca'an monguti' haknyo pakai' bopua' doi' kayu inyo moonji'i kohidupan. Io culih diapm di dalapm kota kudus nantai.”

Wahyu 22:6

Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”

Wahyu 4:2

Sopongirap, aku dikuaso'i ulih Roh Allah. Wah, ado sobuah tahta di sorugo. Ado siku' urakng inyo tongahan dudu' di tahta nantai.

Wahyu 4:9

Sia' momuji, mohormati, moucap sukur ko Sio inyo dudu' di tahta nantai, Sio inyo hidup somanah-manahnyo. Sotiap kali sia' molabuhan nantai,

Wahyu 5:1

Lopas nian aku moniant sobuah gulukan buku di jari kanan Sio inyo dudu' di pucu' tahta nantai. Gulukan nantai ado tulisan di sopia' luar ongko sopia' dalapm, apo ditutup agatn tujuh segel lilitn.